مداحی اکبر کفن گینده دنیا نوایه گلدی/ مهدی رسولی (فیلم، صوت، متن)

دریافت ویدئو
دانلود فایلاندازه
فایل اکبر کفن گینده دنیا نوایه گلدی / مهدی رسولی34.98 مگابایت
مداحی واحد سنگین ترکی "اکبر کفن گینده دنیا نوایه گلدی" با نوای حاج مهدی رسولی با شعری از استاد کلامی زنجانی، اجرا شده در شب هشتم محرم ۱۴۴۱

مداحی اکبر کفن گینده دنیا نوایه گلدی/ مهدی رسولی (فیلم، صوت، متن)

مداحی واحد سنگین ترکی "اکبر کفن گینده دنیا نوایه گلدی" با نوای حاج مهدی رسولی با شعری از استاد کلامی زنجانی، اجرا شده در شب هشتم محرم ۱۴۴۱

مداحی اکبر کفن گینده دنیا نوایه گلدی/ مهدی رسولی (فیلم، صوت، متن)

متن مداحی اکبر کفن گینده دنیا نوایه گلدی - استاد کلامی زنجانی

جان ویرماقا حسینون زیبا سلیلی گتدی 
اولاد مصطفی نین اول قتیلی گتدی
آردیجا پا پیاده عشقین خلیلی گتدی 

ذبح آیه سی دوباره اعظم منایه گلدی
اکبر کفن گینده ، دنیا نوایه گلدی
باشین آچوب پیمبر ،زهرا عزایه گلدی

احسن بیله ادبلی قربانه بارک الله
بو عشق و شور و عزم و ایمانه بارک الله
آزاده پیش مرگ قرآنه بارک الله

دوشدی یولا مقام صدق و صفایه گلدی
اکبر کفن گینده ، دنیا نوایه گلدی
باشین آچوب پیمبر ،زهرا عزایه گلدی

اکبر چیخوب جهاده الله اکبر اوسته
قان قان دیور برنده شمشیری صفلر اوسته
از بس بلا چولونده باش توکدی پیکر اوسته

رزمی گران امیر کل قوایه گلدی

مرحب یخان علی تک ال تیغینه آپاردی 
ووردی اوزون سپاه کفره صفوفی یاردی 
شمشیری گزدیرنده تپراقه قان یاغاردی

حیدر دی بو کانه کرب و بلایه گلدی
اکبر کفن گینده ، دنیا نوایه گلدی
باشین آچوب پیمبر ،زهرا عزایه گلدی

منقذ چیخاندا صفدن لرزان اولوب عوالم
الده قلیج یول اوسته ائتدی کمین او ظالم
ققویمام دئدی قیتسون اکبر خیامه سالم

بیر ایش گوروب که اهل عرش آه و وایه گلدی

گوردیله اول جوانین گل تک یوزی سولوبدی 
نامردیلر ایچینده خلع سلاح اولوبدی 
جان گزدیرور آت اوسته قان گوزلره دولوبدی

هی دیل یاراسی اوستن تیر کنانه گلدی 

سسلندی باشیم اوسته تز گل بابا اماندی
باشون سنون ساق اولسون حالیم منیم یاماندی
جدّیم گلوب سو الده گل سنده خوش زماندی

اول سو ایچمدیم من دل ذکر لایه گلدی

یولدا امام علینون آخر سلامین آلدی 
اوغلی اولن بیلر که حضرت نه حاله قالدی 
اگلشدی باشی اوسته ای وای سسی اوجالدی

مظلوم بالا آتاندان ایتمه گلایه گلدی

کور اولسون ای کلامی هرگوز بو غمده دولماز
عالم گل اولسا هیچ گل اکبر سیاقی اولماز
گوردی حسین او نعشی الده آپارماق اولماز

هر عضوی بیر طرفدن یغدی عبایه گلدی
اکبر کفن گینده ، دنیا نوایه گلدی
باشین آچوب پیمبر ،زهرا عزایه گلدی

کلمات کلیدی: 
Share