تاریخ انتشار: 23 ژانویه 2019 شماره مطلب: 24321 تعداد بازدید: 7580 نظرات: 2
انجمن‌ها:
.
الله اکبر ای صنم حسنونده حیران اولموشام
قوس قزح دیر قاشلارین یایینا قوربان اولموشام
اوزون دور اول جنت گولو؛بویون حقیقت سدره سی
عشقینده من بولبول کیمی عالمده دستان اولموشام
کون و مکان دان کئچمیشم وحدت شرابین ایچمیشم
جانان اوزونو گورموشم سر تا پا جان اولموشام
دعوی منم قاضی منم منکر منم راضی منم
طاغیله هم یازی منم من کل دوران اولموشام
صوفی منم صافی منم عنقا منم قافی منم
کافی منم شافی منم من درده درمان اولموشام
زاهد منم عابد منم عاصی منم فاسق منم
مومن منم کافر منم من کل اینسان اولموشام
اوچماغیلن رضوان منم موسی ایله ثعبان منم
دانا ایله نادان منم گه این و گه آن اولموشام
گاه چیخمیشام عیسی کیمی چرخ اوستونه اوتورموشام
گاه وارمیشام یوسف کیمی مصرده سلطان اولموشام
صاحب قران قدرتم یاقوت کان وحدتم
شیمدی نسیمی یم بوگون خاک ایله یکسان اولموشام
#نسیمی
سهویز چوخدو اصلاح الئین
چوخ ممنون نظریزدن...