قورخو - بختیار وهاب زاده

انجمن‌ها: 

قورخو - بختیار وهاب زاده

منیم سول الیمده یانیق یئری وار،
او منه تؤحفه‌دیر کؤرپه‌لیگیمدن.
اودون اودلوغوندان خبرسیز واختلار
الیمی مانقالدا یاندیرمیشام من.

منه "جؽز" دئدیلر،
آنجاق قورخمادیم.
الیمی یاندیریب تانیدیم اودو.
منیم حیات ایله ایلک تانیشلیغیم
الیمی یاندیران اوددان باشلادی...

اوخشادی گؤزومو هله اوشاقکن
اوجاغین آل-الوان آلووو، کؤزو
دۆنیایا گله‌لی، بیلمیرم ندن
نیه وورولدوقسا، یاندیردی بیزی...

من اوددان قورخمادیم یانانا قدر؛
من قورخو بیلمه‌دیم قانانا قدر.
ائله کی، یاندیم،
اودلا اویناماقدان قورخدوم، دایاندیم.
باشلاندی قورخو-
باشلاندی احتیاط-
باشلاندی حیات...

پدیدآورنده: 
Share