تاریخ انتشار: 24 دسامبر 2020 شماره مطلب: 33762 تعداد بازدید: 360 نظرات: 0
انجمنها:
اوزون بورومه - عاشیق علی عسگر
آی بیمروت، حسرتینی چکمکدن
یتیشمیشم جانا، اوزون بورومه!
ایللر آیری سییق، فرصت دوشنده
چکیلیب پنهانا، اوزون بورومه!
یوسف کیمی سالدین منی آزارا.
طبیبیمسن، ائله دردیمه چارا.
یا بویور جلادا، یا چکدیر دارا،
یا یئتیر درمانا، اوزون بورومه!
یازیق علیعسگرم، من سنه قربان!
خستهیم دردیمه گل ائله درمان!
سن ملکزادهسن، آی حوری-غلمان،
گلمیشم قربانا، اوزون بورومه!