جان دئسین - عاشیق علی عسگر

جان دئسین - عاشیق علی عسگر

یارادان یارادیب کل عالمی،
عارف اولان بو فرمانا جان دئسین.
یتددی یئر- یتددی گوی، یتددی ده دامو
سگگیز جنت رضوانا جان دئسین.

اون‌ایکی آی قرار قویوب بیر ایلدی،
آلتیسی متصل، هم معتلدی.
اوچو بددی، همراه اولماق مشکلدی،
قصد ائیلر غوغایه، قانا جان دئسین.

نوروزدا بهارا دییرلر بلی،
گاه کمالا یئتر گاه اولار دلی،
گون ووراندا گونئیلردن سئل گلی.
قوزه‌ی ایستر، زمستانا جان دیسین.

یازین بیر آییندا خوش کئچر ایللر،
ذوق ایدیب ریشه‌دن باش ویرر گللر،
زمستان قهرینی چکن بلبللر
شیدا اولسون، گلستانا جان دئسین،

کوکره‌ر داغلار، بیربیرینین دئیینی،
سئچمک اولماز گداسینی، بگینی،
فروردینده سبزه لباس گیئینی،
گویدن یاغان آب‌نیسانا جان دئسین.

آراندا اولانلار میل ایدر باغا،
ایستی وورار، بورکی دولار اوطاغا،
بزه‌نیب گوزللر چیخار یایلاغا،
منزلگاهلار او مهمانا جان دئسین.

یایلاخ منتظردی، یوللارین گوزلر،
بویون اگیر بنفشه‌لر، نرگیزلر.
چشمه‌یه یئتنده گلینلر، قیزلار
گوللرده چالخانان سونا جان دئسین.

اولار گوزلرین عهدی، پیمانی،
آلاچیغ قورولجاق کسر قربانی،
علی‌عسگر شأنینه دئسین داستانی
فخر ائله‌سین دوغان آنا، جان دئسین.