آیاغا منی - عاشیق علی عسگر

آیاغا منی - عاشیق علی عسگر

عارف اولان، بیر اود دوشوب جانیما،
اریدیب دؤندریب آیاغا منی.
یوخ عاشق آیاغا.
یتیش دادا، آی آغا!
ایللر خسته‌سی جانیم،
یار گلدی قالخ آیاغا!
آغا اولان قولون سالماز آیاغا.
پیریم اوزون سالما آیاغا منی!
منیم یاریم یاشیل گئییب، اینجی، در،
گوموش کمر اینجه بئلی اینجیدیر.
یوخ عاشق اینجیدیر،
اینجی، مرجان، اینجی، در
یامان اولار بد قونشو
قوهوم، قارداش اینجیدیر.
خسته دوشدوم بو درد منی اینجیدیر،
توت دستیمدن، قالدیر آیاغا منی
علی‌عسکرم. دادا گلدی، بودو، یار.
بایقوشلارین مسکنی‌دی بو دیار.
یوخ عاشق بو دیار.
درس اوخویان بو دویار،
جانیم صدقه ویررم،
قبولوسا، بودو، یار!
آل خنجری باغریم باشی، بودو، یار
ائل ایچینده سالما آیاغا منی.