تاریخ انتشار: 22 ژانویه 2021 شماره مطلب: 34513 تعداد بازدید: 297 نظرات: 0
انجمن‌ها:
باشا - باش / عاشیق علی عسگر
آی بیمروت، حسرتینی چکمکدن
ایللر ایله خسته دوشدوم باشا-باش.
من عاشقم باش-باشا،
اوخو درسین باشا_باش.
عشقیندن سمندرم،
اودا یاندیم باشا-باش.
جان دیینه جان دئگینن مردانا
باش قویانین قوی یولوندا باشا باش.
سندن آیری گئیسم آل، اینی،
گئیینیبسن سن قدینه آل، اینجی.
من عاشقم آل، اینجی،
گئی قدینه آل، اینجی.
دوستا خیانت اولماز،
قورما منه آل، اینجی!
بیر جانیم وار آلاجاقسان آل، اینجی،
بیر بوسه ویر سودا ووراخ باشا-باش
علی‌عسگرم! دردیم بودو. آی آغا!
چشمیم یاشی نیسان کیمی آ یاغا...
من عاشقم آی، آغا
پیلته کیمی آ یاغا،
مرد سوزون اوزه سویلر،
هئچ یاپیشماز آیاغا...
گاه باش اولان گاه دا دوشر آیاغا،
کیمسه وورماز فلك ایله باشا-باش.
