تاریخ انتشار: 22 ژانویه 2021 شماره مطلب: 34518 تعداد بازدید: 443 نظرات: 0
انجمن‌ها:
تز-تز / عاشیق علی عسگر
سارساغینان سره چیخسان صحرایا،
گتیره‌ر سرینه سه قالی تز-تز.
ترلان خیال قالخار عرش اعلایه،
ساردان شکارینی ساغ آلی تز-تز.
ساقی استکانی یارا گزدیری،
یل اسر تللرین یارا گزدیری،
یار حسرتی جاندا یارا گزدیری؛
یار گلسه یارالار ساغالی تز-تز.
خدنگین نیلسین سنگ ایسه قالا،
عشق آتشی جاندا سنگیسه، قالا.
" شاه دستین یتیرسه سنگ ثقالا
قالدیرار یئریندن ثقالی تز-تز.
عاشق گرك سرین دیسین حلالا
یاناقیندان حیا ائیلر ها لاله،
سخا اهلی ساتدیغینی حلالا،
صراتدان کئچنده ساغالی تز-تز.
سحر صیاد سیره چیخارسا داغا،
آغان تکدی، ذنگی دگیل صد آغا.
قیل یازیق علی‌عسگر، سرین صدقه.
گئیدیر یار قدینه ساغ آلی تز-تز.
