تاریخ انتشار: 03 دسامبر 2022 شماره مطلب: 44865 تعداد بازدید: 170 نظرات: 0
انجمن‌ها:
ال آچدیق گؤیلره - بختیار وهاب زاده
نه واختدان اؤلچولدو واخت، زامان ایله؟
دۆنیا گؤزللشدی ایلک اینسان ایله.
اینسان سونسوز عشقین قادر سسیدیر،
الله ین یئرده کی خلیفه سیدیر.
بیر یئرده حیاتین ذؤقونو داددیق،
چالیشدیق، گئجه نی گۆندوزه قاتدیق.
الله ین وئردیگی عقلین گۆجویله
بومبوش یئر اۆستونده دۆنیا یاراتدیق.
بیز اوجا گؤیلردن گلدیگیمیزدن،
سؽغمادیق حۆدودو بیلینن یئره.
دۆنیا دردیمیزی سورمادی بیزدن،
ال آچدی ایمدادچون اینسان گؤیلره
