کربلا یتمیش ایکی آلاله دامانونده وار

کربلا یتمیش ایکی آلاله دامانونده وار

کربلا یتمیش ایکی آلاله دامانونده وار
باغچا باغچا عطر عاشورا گولوستانونده وار

روح آلور ارواح قدسی لر فتوحوندن مدام
راح روح و روح رحمان برگ ریحانونده وار

یددی گویلر گونبزی ایللردی سندن نور آلیر
بیر گوی اولدوز هر گیجه چاک گریبانوونده وار

دولدورورسان نوریلن یعقوب پیرین گوزلرین
بوی یوسف جبه ی خونین مهمانونده وار

تا آچیبسان قان بویاق چوللرده عشقین مکتبین
باخ حبیب ابن مظاهرلر دبستانونده وار

آفتاب معرفت شمس الشموس حق، حسین
قاسم و عباس و اکبر کوی عرفانونده وار

العطش منظومه سین قانلان یازیرسان تپراقا
مین فرات آیینه لیک اول لعل عطشانونده وار

نینوا، یادونله آغلار مین بوغاز،نی نامه لر
تا قیامت، ناله لر نی سیز نیستانونده وار

اختر تابان شعرون هیچ زمان سونمز ((بقا))
معرفتلن تا حسینین آدی دیوانونده وار

کاظم نظری بقا