هر زامان بیر آتشین رخسار سئوداسین چکر - فضولی

انجمن‌ها: 

هر زامان بیر آتشین رخسار سئوداسین چکر - فضولی

گریه دیر هر دم آچان غمدن توتولموش کؤنلومی،
اشک دیر خالی قیلان قان ایله دولموش کؤنلومی.

ای پریوش لر، جفا رسمین اونوتمین، لطف ائدین،
ایلمین بدخو جفا معتادی اولموش کؤنلومی.

وعدۀ وصل ایله، ای گلرخ لر، ائتمین مضطرب،
محنت هجران ایله آرام بولموش کؤنلومی.

خنجر بیداد ایله هر دم ورور زخم اوزره زخم،
هیچ بیر دم گؤرمدیم یاخچی، اولموش کؤنلومی.

پای بند زلف اولوب، بیر یئرده ساکن بولمادیم
دشت حیرتده ترددن یورولموش کؤنلومی.

سیمبرلردن گلن داشلاری ییغمیش چئورمه،
عشق معمور ائیله مک ایستر پوزولموش کؤنلومی.

هر زامان بیر آتشین رخسار سئوداسین چکر،
ای فضولی، گؤر بو اودلاره اورولموش کؤنلومی

پدیدآورنده: 
Share