تاریخ انتشار: 10 فوریه 2021 شماره مطلب: 35135 تعداد بازدید: 300 نظرات: 0
انجمن‌ها:
سر زلفونده اولان بخت قرادن غیری؟ - فضولی
یار قیلمازسا منه جور و جفادن غیری،
من اونا ائیله مزم مهر و وفادن غیری.
ای دئین “غیره کؤنول وئرمه”، قانی منده کؤنول،
سر زلفونده اولان بخت قرادن غیری؟
قیلدی مجنون کیمی چوخلار هوس عشق، ولی
دویمادی درده، من بی سر و پادن غیری.
مشک چین زلفون ایله ائیله سه دعوا نه عجب،
نه اولور اوزی قارا قولده خطادن غیری؟
لبینه چشمۀ حیوان دئمزم کیم، لبی نین
وار منه جانه دگر فیض، بقادن غیری.
هیچ کیم بیلمه‌دی تحقیق ایله آغیزین سرّین،
سرّ غیبی نه بیلیر کیمسه خدادن غیری.
ای فضولی، بیزه تقدیر غم ائتمیش روزی،
قیلالیم صبر، ندیر چاره رضادن غیری.
