خط نه حاجت، اهل دل قیدینه رخسارین یئتر - فضولی

خط نه حاجت، اهل دل قیدینه رخسارین یئتر - فضولی

خوش دور، ای گون، طالعین کیم، دوشدین اول خاک دره،
اهل دولت دامنین توتدون، یئترسن بیر یئره.

دامه دوشموش بیر شکارم کیم، عدم صحراسینا،
منزلیمدن هر طرف آچمیش اجل مین پنجره.

لعلین اطرافیندا خطیندن کؤنول ایمن دئگیل،
اعتماد اولماز یئنی ایمانه گلمیش کافره.

خط نه حاجت، اهل دل قیدینه رخسارین یئتر،
عالمی توتماقدا گون محتاج اولورمی لشکره؟

سایه سالدین سویه، سرو نازی رشک اؤلدوردو کیم،
من دورورکن، دولت وصلین نه نسبت آخره؟

باشدا هر توک، عشق اودوندان بیر توتون دور کیم، چیخار،
جیزگینن باشیم بلا بزمینده بنزر مجمره.

ای فضولی، منده راحت قویمادی شیدا کؤنول،
ایسترم کیم، قورتارام اوندان، وئرم بیر دلبره.