گلچین اشعار ترکی وفات ام البنین علیها السلام

گلچین اشعار ترکی وفات ام البنین علیها السلام
گلچینی از اشعار ترکی در وصف مصائب حضرت ام البنین سلام الله علیها

گلچین اشعار ترکی وفات ام البنین علیها السلام

در این بخش، مجموعه اشعار ترکی وفات ام البنین علیها السلام از شعرای نامی و معروف آذری تقدیم عاشقان آل الله علیهم السلام می گردد. با ضیاءالصالحین همراه باشید تا از خواندن این اشعار زیبا لذت ببرید.

گلچین اشعار ترکی وفات ام البنین علیها السلام

بیله روایت ایدر بو حدیثی راویلر

شاعر: مرحوم ذاکر اردبیلی

بیله روایت ایدر بو حدیثی راویلر
دوشنده یادیمه هر وقت منی کباب ایلر
ائلیکه کرب و بلادن بیله یازولا خبر
مدینیه قیدوب گلدی آل پیغمبر
نجه بیزیم آرامزدا همیشه وار بو قرار
اولاندا بایرام آدامی ئولن قاپوسین آچار
دیلّه اوّل یاس بایرامی اونون آدینا
گلر بولن تانیانلار او یاسلینون یاننا
خبر ویریلدی حسینون خانم حرملرینه
گلوبله عیدیدی امّ البنین محضرینه
اوتوردیلار هره بیر گوشه ده به ناله و زار
سالوب او قولسوز اباالفضلی یاده آغلادیلار
یتیشدی بیر عربی زحمتیله از ره دور
ولی واریدی اونون گلمگینده بیر منظور
گلوب او درگه والایه چون قیام ایلدی
او دودمانه ادبله دونوب سلام ایلدی
ایشیتدیلر او سلامون سسین به دیدۀ تر
کنیزی یولّادیلار گیت سوروش او کیمدی گلر
کنیز گلدی خبر آلدی ای جوان غریب
ایله نه حاجتون اولسا بودم بیان غریب
دولاندیروب یوزینی ایلدی کنیزه سلام
بو قاپودان دیدی من گلمیشم وظیفه آلام
بو آستانه ده هر ایل وظیفه ای آلّام
دعا ثنا ایدوب اوز شهریمه روان اولّام
گلنمدوم گئچن ایل چونکه مانعیم اولدی
وظیفه سی او گئچن بایرامون اودور قالدى
خانملارا یتوروب چون کنیز بو خبری
اوجالدی عرشه اباالفضل وای ناله لری
اونون او گلمگینه ایلدیله چوخ افسوس
دیدیله بو عربی سالمیاق یولا مایوس
چخارتدیلار هره بیر گوشواره گردن بند
قویوبلا خونچیا چکدیله اوستونه روبند
گتوردیلر عربه چون هدیه نی گوردی
قبول ایلمدی قیتروب دالی ویردی
دیدی آپار ویر اونی عرضیمی قبول ایتسون
آلوب مبارک الینه آقام اوزی گیتسون
آلوم هدیه نی نایل اولوم اوز حاجتمه
الین زیارت ایدوم یوز قویوم ولایتمه
کنیز گلدی خبر ویردی یاندیلار حالینا
خانملارون هاموسی گلدیلر قاپی دالینا
دیدیله کیمدی آقون واضحین عیان ائله
علامتینی دیوب آدینی بیان ایله
دیدی منیم آقامون بیر نچه علامتی وار
مبارک آدی اباالفضل بلند قامتی وار
کشیده قاشلاری شهلا گوز عارضی گلنار
علی الخصوص ایکی نازنین اوزون قولی وار
بیله دینده خانملار ال ایلدی باشینا
یولوبلا زلفلرین رخصت اولدی گوز یاشینا
صدای ناله بلند اولدی عرش اعلایه
عروج ایلدی وامحنتا ثریّایه
عرب او ناله سسیندن جگر کباب اولدی
باشنی سالدی اشاقه بولود کیمی دولدی
دیدی الهی عزیز گون بولار نیه آغلور
بو بایرامون گونی نالیله عالمی داغلور
هدیه نی گوتوروب ویردیلر به محنت و غم
بویوردیلار آقاوون قولّارین ایدوبله قلم
بیله دینده عرب ایلدی گریبان چاک
عمامه سین یره وردی سووردی باشینه خاک
دولاندی گه ساقا حسرتله باخدی گاهی صولا
باشا ورا ورا ناله کنان دوزلدى یولا
سنه دخیلم اباالفضل آقا آمان گونیدور
گناه احاطه ایدوب «ذاکرون» یامان گونیدور
بو آستانه ده بیر ایت قوجالسا قوومازلار
قوجالدو قیجا اونون احترامی آرتوق اولار

مجموعه اشعار ترکی  وفات حضرت ام البنین علیها السلام
یثربده ابوالفضل سنه یالقوز آنون آغلار

شعر از نصرتی

یثربده ابوالفضل سنه یالقوز آنون آغلار
گوز یولدا قولاق سسده اوغولسوز آنون آغلار
شهلا گوزووی قامتووی یادیمه سالّام
بیکس بالووی گورّم اوغول بهتیده قالّام
آغوشه آلاندا اونی من عطرووی آلّام
اشکیم توکولنده یوزومه گوز بولاغیندان
آغلار، اؤپرم تئز تئز اونون گل دوداقیندان
بو سؤزلری زینب دئدی یاندی دل عالم
عباسیمون احوالی سالوب عالمه ماتم
قولسوز یخیلاندا یخیلوبدور یره پرچم
حیف اولسون اوغول اولمامیشام کرب و بلاده
آغ ساچلاری قانه بوئیام کوه مناده
محرابیوه باخدوقجا اوغول اشگ الرم من
قارداشلاروا هم سنه هر گون ملرم من
گونلر قاباقیندا گزرم دربدرم من
عزّلی گونوم گئتدی داخی عزّتیم اولماز
احوالیوه گوش ایلمگه طاقتیم اولماز
هر مجلسه دعوت اولام آسان سانورام من
آغلالّا اوغولّار آناسی من یانورام من
لیلانی ربابی گورورم اودلانورام من
گورجک منی لیلای حزین با دل خسته
گوزیاشی توکور اوندا یانان صورتی اوسته
چیخماز بو یادیمدان بالا اول روز ولادت
آغوشینه آلدى سنی تا شاه ولایت
قولّارون اؤپوب آغلادی دوتدی اونی رقّت
گیزلین سنه اول وقته اوزوم آغلارام اوغلوم
بو سینه می هر گون غمووه داغلارام اوغلوم
آغلاتدون اوغول سن او زمان شیر خدانی
سالدون غم هجرانه بو بیچاره آنانی
یاندیردون عجب نار غمه آل عبانی
دوز یول گئدن اوغلوم او گوزل یولّارا قربان
آغلار گوزوم حقّ اوسته دوشن قولّارا قربان
سن ئولدون اوغول گرچه منیم باشیم اوجالدی
عالملری شأن و شرفون حیرته سالدى
بو مادر بیچاره یامان گونلره قالدى
آغلار گوزومی اوخشادارام بارش ابره
سینه مده اوغول داغی گیدر خانۀ قبره
ای امّ بنین ای رشید عباسون آناسی
بو نصرتینون واردی سنه بیرجه دعاسی
قلبینده کی دردین اولار عالمده دواسی
دردیم بودی سن ایله دعا مادر بی یار
بو هیئتیمیز قبر حسینه اولا زوّار

مجموعه اشعار ترکی  وفات حضرت ام البنین علیها السلام

زبان حال امّ العباس حضرت ام البنین سلام الله علیها

جان وئریرم هارداسان عباس اوغول

شاعر: علیرضا عباسی (احسان تبریزی)

جان وئریرم هارداسان عباس اوغول
یاسیمه گل طیب الانفاس اوغول
قدی اوجا اَنّی کوره ک مرد اوغول
سالدی ایاقدان آناوی درد اوغول

سینه سی سوزان ئولورم آی بالا
باغریم اولوب قان ئولورم آی بالا

یوخدی الیمدن دوتان السیز اوغول
تنگیدی دنیا منه سنسیز اوغول
من بیلورم یوخدی بدنده قولون
لطف ائله گل گر چه اوزاقدور یولون
سینه سی سوزان ئولورم آی بالا
باغریم اولوب قان ئولورم آی بالا

هاردا قالوبسان یارالی یاوریم
یولدا قالوبدی سوزولور گوزلریم
کرب وبلا اولمادی قسمت گلم
سن یخلان یئرده اوغول جان وئرم
سینه سی سوزان …

نار فراقه سینه می داغلادیم
کرب وبلا دیلده دئدیم آغلادیم
خردا مزار اوسته علم وورمادیم
بزم عزا اوردا گلوب قورمادیم
سینه سی سوزان …

آی یارالی یاره لدی غم دیلی
دوشدی قولون سندی حسینون بئلی
گول سارالوب سولدی چمن گل بالا
ئولدی آنان الده کفن گل بالا
سینه سی سوزان …

جان چخور اما گینه آغلار گوزوم
قالدی اوره کده دئمدیم چوخ سوزوم
اللری الدن گئدنیم ال یئتیر
کرب وبلادن منه تربت گتیر
سینه سی سوزان …

مجموعه اشعار ترکی  وفات حضرت ام البنین علیها السلام

حالات حضرت ام البنین علیها السلام

ام البنین ایله فغان اولدی شهید عباس

شاعر: ذبیحیان

ام البنین ایله فغان اولدی شهید عباس
محشر اولونجا آغلا قان اولدی شهید عباس

عونیله فضل و جعفرون دوغراندی جان وئردی
شیر خدایه بنزرون دوغراندی جان وئردی
هم قاسم و هم اكبرون دوغراندی جان وئردی
یاندی امام انس و جان اولدی شهید عباس

قوللارین عباسون او گون ائتدی قلم دشمن
قولسوز یره گلدی آت اوستن ایلدی شیون
دوندی خیامه گلمگه اول باوفا توسن
آگاه اولوب فوج زنان اولدی شهید عباس

گلدی باشی اوسته دیوب سیندی بئلیم قارداش
آچ گوزلرون سنسن منیم آرخام ائلیم قارداش
بو حالیله گورجک سنی یاندی دلیم قارداش
اُسقونی سؤیلر تشنه گان اولدی شهید عباس

چکدی درون سینه دن شاه جهان بیر آه
اعضاسی دوغرانمیش گوروب قارداشینی اول شاه
قلبی یانوب چکدی او موقع نالۀ جانکاه
ائتدی نوا کرّوبیان اولدی شهید عباس

لال اولمیور آخر دلیم سینمور ندن خامه
هر قدر یازسون بو غمی بیل یتمز اتمامه
شاه جهاندان ایسته سنده بیر امان نامه
راحت اولا ذبیحیان اولدی شهید عباس

مجموعه اشعار ترکی  وفات حضرت ام البنین علیها السلام

بیشتر بخوانید: وفات حضرت ام البنین سلام الله علیها - ویژه نامه مادر ماه

Share