احوالات حضرت علی اصغر علیه السلام - رحیم منزوی اردبیلی
سس دوشدی حرمخانه ده گریان اولان اولسون
بیچاره ربابیله نوا خوان اولان اولسون
قاسم طویونا یاخچی حنا ایتدی تهیه
کیم یاخسا حنا اصغره مهمان اولان اولسون
دقتله ولیکن یاراسین باغلیون اوّل
خشگ ایلمگه زلفی پریشان اولان اولسون
دسمالیله آهسته سیلون قانی یوزیندن
سو یوخدی اقلاً سر و سامان اولان اولسون
نسوان حرم آلدیلار اطراف ربابی
سسلندیله غمدن ئورگی قان اولان اولسون
بیر اوخشاما قیلان ئوزین ئولدوردی سکینه
درد اهلنه همناله و افغان اولان اولسون
باش یولماقا گوردیله تلاشیله آچور یول
سسلور چکیلون اصغره قربان اولان اولسون
بیر نخبه روایت اوخودی فلسفی بیر گون
قوی عرض ایلیوم صبر ایوی ویران اولان اولسون
فرمایش ایدوب گورجک او احوالی اوشاقلار
سسلندیلر آماده ی طوفان اولان اولسون
دوغراندی جوانان بنی هاشم و انصار
نوبت یتوب اطفاله گریزان اولان اولسون
شش ماهیه رحم ایلمین گور بیزه نیلر
مخیمده قالوب قاننه غلطان اولان اولسون
گورسه بیزیده حرمله اوخلار دیری قویماز
تئز دالدالانوب خیمده پنهان اولان اولسون
❖❖❖❖❖
شعر از : رحیم منزوی اردبیلی
مطالب مرتبط
