شعر ترکی شام غریبان-رحیم منزوی اردبیلی
باتوب گون یاتدی توز قورتادی دعوا آی چخوب گویده
سالوب گوداله نورین ئوپدی اول تشنه حنجردن
حسینون قویمادی خوار اولماقا شام غریبانین
چراغان ایلدی دشت بلانی نیم منظردن
گئجه گئچدی بیر آز اولدی قوناقلارون گلن وقتی
حسینیم وای سسی عرشه اوجالدی اول چوخور یردن
آلوب زهرا سسین بیر خیردا قیزدا خیمه‌دن چخدی
گلوب گوداله بیر باش چکوب فیض ایتسون او محضردن
آیون نوری دوشنده گورسنوب سیلی یری یوزده
بتولون قلبی قان اولدی جفای قوم کافردن
گوروب سیلی یرین ثانی وران سیلی چیخوب یاددان
دوتوب یوز عرشه ایتدی شکوه شمر کینه پروردن
ددی یا رب امانتدور یرده قویما بو قیزون آهین
گوروم باری شل اولسون اللری شمرون بو کیفردن
امانتدور (( منزوی دن )) ساتما ئوز محبوبوین آدین
حسینه عاشق اولماز هر گدای پای منبردن
❖ ❖ ❖ ❖ ❖
شعر از : رحیم منزوی اردبیلی
مطالب مرتبط
