متن نوحه وفات حضرت ام البنین علیها السلام - ترکی
در این پست بخش دوم از مجموعه اشعار وفات حضرت ام البنین سلام الله علیها با عنوان « متن نوحه وفات حضرت ام البنین علیها السلام» گردآوری شده از شعرای نامی و معروف به زبان ترکی (آذری) تقدیم شما عزیزان می گردد. (اللهم عجل لولیک الفرج)
بیشتر بخوانید: وفات حضرت ام البنین سلام الله علیها - ویژه نامه مادر ماه
متن نوحه وفات حضرت ام البنین علیها السلام
یتیم -(گون مغربه گئدنده پریشان اولار یتیم)
شعر از : مرحوم انور اردبیلی
گون مغربه گئدنده پریشان اولار یتیم
باد سحر دگنده هراسان اولار یتیم
بوینون اگوب بنفشه کیمی چیگنینه قویار
ابر بهار تک ولی گریان اولار یتیم
بنذر او غنچیه گل آچان وقتیده صولا
آفت یلی قروب سالا یا شاخه دن یولا
سیره چخار اورک آچیلا بلکه شاد اولا
تای توشلارین گورنده پشیمان اولار یتیم
بی مهر و بی علاقه گورر یار و یولداشین
کیپریکلری توکر یوزه حسرتله گوز یاشین
غم گوشه سینده غم دیزی اوسته قویار باشین
شمع شبانه تک ولی سوزان اولار یتیم
جرأتله قلبینون ائده بُلمز سوزون ادا
تاب ایلمز آجقلی سوزه تئز قیلار نوا
هئچ کیمسیه قوشولماز اولار غمله آشنا
فکر عالمینده دائمی حیران اولار یتیم
متن نوحه وفات حضرت ام البنین علیها السلام
زبانحال حضرت ام البنین سلام الله علیها
سبک : چوگیسوی تو ...
ئولور غملی آنون ای دردیمه درمان ابالفضل
چیخور خسته بدنن بو یورولان جان اباالفضل
گل ای ماه منور
وئرور جان غملی مادر
سنون هجرون ائدوبدی
یانان قلبی مکدر
گل ای نور عین
مه عالمین
قالوبدی یولدا گوزلر
غلام حسین
مه عالمین
قالوبدی یولدا گوزلر
ائدوب درد فراقون قلب زاری قان ابالفضل
اولا جان دوعالم آدوه قربان ابالفضل
منیم ای قهرمانیم
شجاعتلی جوانیم
سنی یاده سالاندا
آخور اشک روانیم
آنون خسته دی
سفراوسته دی
گوزوم نوری تز
چاتوبدی اجل
حسینیله گل
منه آغلیان یوخ
گوزوم یولدا قولاقیم سسده هاردا قالموسان گل
منی سن درد جانسوزفراقه سالموسان گل
گل ای ماه مدینه
دولوبدی غمله سینه
اوزون قولارون اولدی
ستون دین مبینه
آدوا فدا
اولوم آی بالا
باشیمی چوخ اوجاتدون
سن ای باوفا
یل کربلا
باشیمی چوخ اوجاتدون
ائشیتدیم لشگر کینه یولون اوسته دوروبلار
جانیم چیخسین بالا شهلا گوزونن اوخ وئروبلار
نجه من آغلامیوم
سینمی داغلامیوم
جماله اشک ماتم
نجه من باغلامیوم
وجودیم یانور
اورک اودلانور
گل ای نوردیده
گوزوم باغلانور
سینم داغلانور
گل ای نور دیده
متن نوحه وفات حضرت ام البنین علیها السلام
من امّ بنینم صدف دُرّ کمالم
شعر از: مرحوم انور اردبیلی
من امّ بنینم صدف دُرّ کمالم
من امّ بنینم گُهر کَنز جلالم
من امّ بنینم هدف تیر ملالم
دورد اوغلوم ئولوب مین غم و مین درده دچارم
دقت ایلیون قبریمه مخروبه مزارم
من امّ بنینم چالشوب مقصده یتدیم
دورت پنجه قوی تازه جوان تربیت ائتدیم
زهرایه اولوب خادمه زهرا یولی گئتدیم
پروانه اولوب شمع جمال حسنینه
خدمت ائلدیم زینب و کلثوم و حسینه
من امّ بنینم حرم شیر خدایم
من جاریۀ خانۀ اُمُ النُّجَبایم
اهل وطنیمدن ولی چوخ واردی گلایم
حسرت، جمعه آخشامی چکور خسته روانیم
اولمور بیری اللهه گوره فاتحه خوانیم
افسرده دلم قلبیده سایسیز محنیم وار
داغ داشه موثردی او غُصّیکه منیم وار
اولماز گَلَنیم ایلده بش اون گون گلنیم وار
زحمتله گَلولَّر بیلورم قبریمه هاردان
آند اولسون ابوالفضله رضایم حاجیلاردان
زهرا او خانملار خانمی مام فداکار
اوغلانلارینون قبری هم ئوز قبری اولوب خوار
حُجّاج گئدندن صونرا گلمز بورا زوار
ای کاش علی شیعه سی هر یاندا اولیدی
ای کاش بیزیم قبریمیز ایراندا اولیدی
من امّ بنینم چکیلوب قلبیمه داغلار
سوندی ائویمون زینتی نورانی چراغلار
واضح دی بو سوز دشمنه دشمن چتین آغلار
اما منیم آخرده ایشیم بیر یره یئتدی
مروان کیمی ظالم ده منه آغلادی گئتدی
بو شهریده اوّلده جلالیم چوخ اوجالدی
فرّ و حشمیم هر خانمی حیرته سالدی
امّا صورادان امّ بنین بیر گونه قالدی
ئوز منزلیم اولدی ئوزومه گوشۀ محبس
قالدیم گوزی یولدا قاپومی آچمادی بیر کس
مهمانی اولان خانه اولوب خالی قوناقدان
حرمت منه ایلردی هر عورت که قاباقدان
گوردی گلورم کوچه ده تئز چکدی اوزاقدان
بیلدیم که اوغولسوز آنانون قدری گیدرمیش
عباسه گوره هامی منه حرمت ائدرمیش
عباس نه عباس گوزل شهرتی واردی
زین اوسته مقام ایلیوب هر وقت اوتوراردی
مردم یولی اوستونده تماشایه دوراردی
سویلردی هامی صانع ائدوب صنعتین ابراز
عالمده ابوالفضل کیمی بیر اوغول اولماز
بیر عمر گوزل قامتینه آغلامیشام من
اخلاقینه خوش عادتینه آغلامیشام من
عبدیتینه طاعتینه آغلامیشام من
تقدیسیده توحیدیده تکمیلیدی اوغلوم
دنیا بوئی شایستۀ تجلیلیدی اوغلوم
کیم یاد ائده عباسی منه منتی واردی
مظلوم ایلیوبلر بالامی خجلتی واردی
مظلومه کمک ایلمگون قیمتی واردی
خوشنود ایلیون امّ بنینی عملوزدن
السیز بالامی اوخشیون حق دوتسون الوزدن
یاد ایلیون عباسی ، علمدار گورنده
فریاده گلون شیری گرفتار گورنده
چوخ آه چکون قافله سالاری گورنده
گورسوز یخلوب سروین اولوب ریشه سی برباد
نوحه دیون عباسیمه اولسون ایووز آباد
هر کیمسه نی گورسوز اوخیور شوقیله قرآن
سجده اثری طاق جبینینده نمایان
محراب عبادتده اولور پیکری لرزان
قلبوز گوزی تئز کرب و بلا دشتینه باخسون
عباسه سلام ایلیون اشکوز یوزه آخسون
گورسوز بیری مأیوس اولوبدور ئوز ئوزوندن
یعنی ال اوزوبدور گیجه سیندن گونوزوندن
گورسوز بیری قولسوزدی دگوب یاره گوزوندن
اوضاع نیستانی ائدون دلده مجسَّم
ال گئتدی گوزی گئتدی بالام ساخلادی پرچم
متن نوحه وفات حضرت ام البنین علیها السلام
زبانحال حضرت ام البنین سلام الله علیها
شعر از: استاد معزّی اردبیلی
سبک : ای منی آواره قویان...
کیم قولوووی ائتدی قلم اباالفضل اباالفضل
اوغلووا یولاندی علم اباالفضل اباالفضل
یوزدن هلاله بو بالام مثلدی مثلدی
سن کیمی اوغلوندا اوغول گوزلدی گوزلدی
بیلمور ئوزی عزّتینه نه گلدی نه گلدی
دائم اولولب مونسی غم اباالفضل اباالفضل
چون منه سندن بو بالا نشاندور نشاندور
بد نظرین بد نظری یاماندور یاماندور
گوزله ئوزوندن دِیَرَم آماندور آماندور
آتما رشادتله قدم اباالفضل اباالفضل
میوۀ قلبیمدی مَنَم پرستار پرستار
قامت رعناسی سنه چوخ اوخشار چوخ اوخشار
قویسا زمانه اولاجاق علمدار علمدار
ئوللم اگر گورسه ستم اباالفضل اباالفضل
کوچه ده سندن صورا که دولاندی دولاندی
گلدی یتیم سسله دیلر اوتاندی اوتاندی
ائوده الی یوزده خجل دولاندی دولاندی
باخدی ئورک گَتدی وَرَم اباالفضل اباالفضل
عطرووی آللام سارالان یوزوندن یوزوندن
دیندیرَه رَم دویماز ئورک سوزوندن سوزوندن
پرچمی وئرّم ئوپرم گوزوندن گوزوندن
حالیم اولار فوری بهم اباالفضل اباالفضل
خوش یارادوبدور یارادان جمالین جمالین
دیندیره نی چوخ بَگَنوب کمالین کمالین
آغلادی کیم بیلدی غم و ملالین ملالین
مُحنتین آماجی منم اباالفضل اباالفضل
باجیلارون رَخت عزا گیوبلر گیوبلر
غملرووی صبح و مسا ییوبلر ییوبلر
ئولدی آقون سائلووه دیوبلر دیوبلر
سسله دی وای باب کرم اباالفضل اباالفضل
فخر ائدورم چاتدون اوغول مقامه مقامه
خدمت ائدوبسن نچه ایل امامه امامه
حافظ اولوبسان گجه لر خیامه خیامه
خواب ایلیوب اهل حرم اباالفضل اباالفضل
یاره ووروبلار باشووا بالام وای بالام وای
قان قاریشوب گوز یاشووا بالام وای بالام وای
غم یتشوب قارداشووا بالام وای بالام وای
داده گلوب قامتی خم اباالفضل اباالفضل
یاره لی بیر سمته ئوزون چکنمز چکنمز
قان گوزونه دولسا یولی گورنمز گورنمز
قولسوزا کیم یاره وورا دینَنمَز دینَنمَز
یوز ویره جک درد و اَلَم اباالفضل اباالفضل
گور نجه دردون اولونوب زیاده زیاده
گوز دولی قالمیشیدون اراده اراده
کیم سنه یول وئردی نشان مناده مناده
یخدی سنی فوج ظُلَم اباالفضل اباالفضل
متن نوحه وفات حضرت ام البنین علیها السلام
زبان حال ام العباس حضرت ام البنین علیها سلام
شعر از: اصغر الماسی اهری
کشیده قاشلاریوا بینوا ننون قربان
ایکی اوزون قولیوا مبتلا ننون قربان
او سرو قامتیوه اقتدار و هیبتیوه
ایکی آلا گوزووه آشنا ننون قربان
ریاسیز عشقیوه ایمانیوه شجاعتیوه
نماز و سجده وه،قلبی یارا ننون قربان
مقام و منصب و نفس و وقار وشوکتیوه
وطن غریبی باشیندا قرا ننون قربان
ائشیتمیشم کی علمدار کربلاییدون
علم دوتان اَلیوه من فدا ننون قربان
وزیر جنگ و سپهدار لشکریمیشسن
لباس جنگیوه درد آشنا ننون قربان
دئیولّه‌سن سو ورردون سوسوز‌کیم اولسیدی
سو مشکیوه ائدن آه و نوا ننون قربان
صودوم حلالین اولا فاطمه یانیندا منی
سن ایلدون باشیمی چوخ اوجا ننون قربان
گورنده طاقتیمی تئز بو صحنه اَلدن آلور
دوتور بالان سنه تکجه عزا ننون قربان
سنون اوجا علون هِی قوجاقینه کی آلور
بیرآز گئدور ییخیلور تپراغا ننون قربان
یقین بالا سنیده بو علم ییخیدی یئره
اولوبدی بس هاران اول یارا ننون قربان
وئرنده لنگر علم سن سوار مرکبیدون؟
سپر ائدیدون اَلون تئز بالا ننون قربان
اوزنگینده ییخیلاندا گیر ائتمدی ایاقون؟
کاش ایلییدیم اوغول چوخ دعا ننوو قربان
متن نوحه وفات حضرت ام البنین علیها السلام
بخش اول : اشعار وفات حضرت ام البنین سلام الله علیها - ترکی / بخش اول
مطالب مرتبط
