مداحی چوخ باخوب اصغره یانما منی یاندیرما حسین/ مهدی رسولی
مداحی واحد ترکی "چوخ باخوب اصغره یانما منی یاندیرما حسین" با نوای حاج مهدی رسولی با شعر استاد حسینی سعدی زمان، اجرا شده در شب هفتم محرم ۱۴۴۱
متن مداحی چوخ باخوب اصغره یانما منی یاندیرما حسین - استاد حسینی سعدی زمان
چوخ باخوب اصغره یانما منی یاندرما حسین
اوخلی قربانیوی میداندا دولاندرما حسین
ائتمه غم اولمادی سو سولدی الینده گل یاس
گتور اکبر کیمی دوتسون آناسی اصغره یاس
باخری اهل جفا اصغرن آز باغریوا باس
خیمه ده منتظری واردی یوباندورما حسین
اوخلی قربانیوی میداندا دولاندرما حسین
(آغلاما دان ، باجین اؤلسون)۴
................................
شعله آهویله قلبیمی آز یاندور یاخ
غش ائدیبدی آناسی خیمه ده بیر شیونه باخ
بالاوون قانینی گل بو آغاران زلفیمه یاخ
آتما قانین گویه افلاکی بویاندرما حسین
هی باخیب اصغره بیزی یاندرما حسین
سن او قانیله بویاندون منیده قوی بویانوم
گلمه سن گَلَّم اوزوم اولما رضا چوخ دولانوم
قویموری قید محبت باجون اؤلسون دایانوم
چکمه خجلت چکیلوب دوره ده یاندرما منی
اوخلی قربانیوی میداندا دولاندرما حسین
(آغلاما دان ، باجین اؤلسون)۴
................................
نه چکور اصغر آناسی اونو بیر لیلی بولر
شیر خواره بالاسین گورمسه صاغ قالماز ئولر
پوزقون احوالیوه باخدوقجا بو شام اهلی گولر
دردیوی گل منه دی دشمنه آندورما حسین
اوز اوزون یورما مصیبتدن اوساندورما حسین
آفت باد خزان یوز ویروب اول غنچه گوله
قورخورام آغلیاسان شاد اولا شام اهلی گوله
گورورم ایستموسن بو غمی اطفال بوله
من ربابه دیرم سن اونا قاندورما حسین
گه فرات اوسته باخورسان ایدسن شور و نوا
چاغرورسان بالاوی آلسون ابوالفضلون اخا
الی یوخ قارداشون عباسین اونی سندن آلا
عذری واردور آتاسی حیدری یاندورما حسین
هی باخوب اصغره یانما منی یاندرما حسین
(آغلاما دان ، باجین اؤلسون)۴
مطالب مرتبط
