اشعار ترکی ولادت حضرت فاطمه زهرا علیها السلام

تعداد کلمات 3110 / تخمین زمان مطالعه ۷ دقیقه
اشعار ترکی ولادت حضرت فاطمه زهرا علیها السلام
اشعار ترکی ولادت حضرت فاطمه زهرا علیها السلام را تقدیم شما همراهان گرامی می نماییم.

اشعار ترکی ولادت حضرت فاطمه زهرا علیها السلام

در این بخش از ضیاءالصالحین اشعار ترکی ولادت حضرت فاطمه زهرا علیها السلام را تقدیم دوستداران بانوی دو عالم می کنیم. با ما باشید با اشعار ترکی ولادت حضرت فاطمه زهرا سلام الله علیها...

اشعار ترکی ولادت حضرت فاطمه زهرا علیها السلام

« اشعار ترکی ولادت حضرت فاطمه زهرا علیها السلام »

گلدی امکانلی وجودا آدی زهرا آنامز

ائلدی عالمی زیبا گلِ طوبا آنامز

وئردی عزت جبروته مه کبرا آنامز

فخر ائدر شیعه دوعالمده حبیبه آناما

وئروب الله ائوزی عزت بو طبیبه آناما

قدمی نورودی نورانی ائدیب دنیانی

نَفَس پاکیله تفسیر ائلییب طوبانی

عشقی برپا ائلییب دایره ی مینانی

یارادان گور نئجه منت قویوب انسانه بوگون

لیله ی قدر گلیب آیه ی قرآنه بوگون

یارادیب حضرت تاری بو گل خندانی

اوجادوب عرشه کمین مرتبت انسانی

بیله انسانیله معنی ائلییب قرآنی

یاشاسین خلق ائلین فاطمه تک حورانی

وئرن عزت بشره خلق ائلین زهرانی

کل دنیاده آنام فاطمه بیر تک یارانوب

میوه ی باغ جناندی اودی گورچک یارانوب

حاصل قرخ گون عبادت نه مبارک یارانوب

تحفه ی حضرت حقدور بشره ریحانه

ام گلهای ولایت یارانوب مستانه

ننمین بیر باخشی کل بو دنیایه دیر

ائوینین بیر اتاقی جنت اعلایه دیر

مهری دولسا اورکه عالم معنایه دیر

می جناته دَیَن کوثری واردی ننمین

عالم عشقیده تک حیدری واردی ننمین

عالم امکانه بیر مولود بی همتا گلیر

دسته دسته صف چکیب پابوسینه حورا گلیر

کیم گلیر یارب مگر دنیایه بر و بحریده ن  

سر بسربوی گلاب وعنبر سارا گلیر

اولمایئرد ه جنتی موعود اولوبدور آشیکار   

یاکی گویده ن نفخه ی جانبخشی روح افزا گلیر

هر طرفده ن ایلییر اول راح روح افزا گذه ر

کیم جماداتی نباتاتی ائدیر احیا گلیر

عرشده یکسر جوموبدور ماه و اختر حیرته

ذره لر رقصان اولوب مهر جهان آرا گلیر

بار ایلاها کیمدی بو مولود محجوب و نجیب 

ساغ سولوندا یئر دوتوبدور مریم و سارا گلیر

وئردی ناگه هاتفی غیبی ندا  ای عرشیان

گویلره زینت وئرین صدیقه ی کبرا گلیر

ای خدیجه اولما غمگین عرشده ن دیدارووه

آسیه ، سارا ، صفورا ، مریم و عذرا گلیر

حق تعالا ده ن ندا گلدی رسول اعظمه

ای  منیم  پیغمبریم شاد اول کی اعطینا گلیر

مکه ده غوغا قو پوبدور محضر پیغمبره 

تهنیت عرض ائتمگه موسی گئدیرعیسی گلیر

ای رسول اکرمه ابتر دئینلر لال اولون

شرم ائدین ای بی حیالر حضرت زهرا گلیر

نور رخساری اولوب ساطع بسیط عالمه

کایناتی ایلیب مبهوت کرمنا گلیر 

ایستیب ائتسین خدا دامان پاکیندن بری 

هر نه رجس و عیبی باخ  منشور تطهیرا گلیر

مومنه تاکید اولوب قرآندا حب اهل بیت

قیل نظر قرآنه گورمدلول فی القربی گلیر

کیم طعامین وئردی مسکین و یتیمه روزوشب

یطعمون آیه سی شانینده حقده ن تا گلیر

اسقف نجران گورنده اهل بیتین جمعی

سسلدی آگاه اولون بیرجمع بی همتا گلیر

 ایستسه  حقده ن بولارگر،داغ یئریندن اوینایار

اهل بیتیله  تاپیپ کیم جرات هیجا گلیر

شاعر مسکینوزه قیل بیر نظر یا فاطمه 

بیر گمانی لطفوزه ای مام عاشورا گلیر

طایر طبعیم اولوب دور چرخ گردوندان  ملول 

مین امیدیلن بو درگاهه ائدیب پر وا گلیر

بیر سعادتدور دئسینلر من کیمی بیر شاعره

حضرت زهرا ائدیبدیر شعرینی امضا گلیر

علی شهودی 

اشعار ترکی ولادت حضرت فاطمه زهرا علیها السلام

ایلیوب جهانی روشن نور جمال زهرا

قورتولمیاندی شان وجاه وجلال زهرا

قطره نجه دانیشسین دریا جلالتیندن

واله دی عقل و منطق زهرا جلالتیندن

اهل قلم سراسر یازسا جلالتیندن

حشره کیمی قوتولماز وصف خصال زهرا

زهرادی ماسواده محبوبه خداوند

گل صورتین گورنده طاها اولاردی خرسند

وابستگان عترت پروردگاره سوگند

ما فوق کیمیادور خاک نعال زهرا

عیسی بونون غلامی مریم بونون کنیزی

پیغمبره سلاله شیر خدا عزیزی

خلاق اوزی بویورموش بو بانوی حجیزی

ویرموش جلال بی حد اول ذوالجلال زهرا

حین ولادتینده حورا گلوب جناندان

خوشحال اولوب خدیجه بو لطف لا مکاندان

نور ایلدی طلعلو عرشه او دودماندان

تا اشکار اولدی گون تک جمال زهرا

گلدی وجوده زهرا دنیا ایشیقلانوبدی

نوری دوشنده بیت طاها ایشیقلانوبدی

زهرا یوزیله عرش اعلا ایشیقلانیبدی

خلقت بوروندی نوره شاد اولدی ال زهرا

خیر کثیریدور بو کوثر ده وار بو معنا

لطف ایلیوب خداوند غمندن قوتولدی طاها

بیر گون گلر ظهوره نسلیندن اون بیر عیسی

دهره اولار زبان زد اون بیر رجال زهرا

ابتر دیین رسوله کور اولدی خفتیندن

عالم اولوب معطر مرضیه نکهتیندن

مریم قالوبدی واله زهرا شرافتیندن

بیرده محال گلسون دهره مثال زهرا

شاداب اولوب خدیجه اوز گوهرین گورنده

شکر ایلدی خدایه مه صورتین گورنده

گلندی کون و امکان عصمت گلی گلنده

خشنود ایدوب اناسین لطف و نوال زهرا

مرضیه نین وجودی بیر نخل پر ثمردی

طوبای باغ جنت بوندان اوتور اسردی

ایستردی سوز دانیشسین طاها فرح لنردی

شیرینی دی زبسکه سبک مقال زهرا

زهرا کیمی او کیمدی صاحب جلالت اولسون

دریای عصمت اولسون کفو ولایت اولسون

خلقت اونا سراسر مرهون منت اولسون

هر صاحب کمالدان باشدی کمال زهرا

اوندادی اهل دین و قرانون ابروسی

اونداندی ما خلقده انسانون ابروسی

زهرادی در حقیقت دنیانون ابروسی

جاری دی چشمه لر تک لطف زلال زهرا

 ((افکاریا))اماندور دوز گیت یولی ازارسان

هرچند اهل بیته نوحه یازوب یانارسان

چوخدور گناهون اما جناته یول تاپارسان

محشرده سینه ون اوسته اولسا مدال زهرا

 کربلایی محمد افکاری سردرود

اشعار ترکی ولادت حضرت فاطمه زهرا علیها السلام

حق فاطمه نی عالمه زیور یارادوبدی

پیغمبره دل حیدره دلبر یارادوبدی

خلاق جهان خلق ائلین وقته جهانی

زهرانی حیا گنجینه گوهر یارادوبدی

فرض اولسا اگر جمله عَرَض عالم امکان

زهرانیده الله اونا جوهر یارادوبدی

مریمله قیاس ائتمه جلالتده بتولی

حق فاطمه نی مریمه سرور یارادوبدی

هاردان اولی بیر پایه ده عیسائیله احمد

الله مگر عیسایه ده کوثر یارادوبدی

جز فطمه،کس کوثره مصداق اولا بولمز

الله اونی تک،کوثره مصدر یارادوبدی

اولمازدی علی کفوی جهاندا اودور الله

مولایه باخوب بیر بله همسر یارادوبدی

هر چند خانم تک گل طاهادی ولیکن

الله اونی پیغمبره مادر یارادوبدی

هئچ گل گل طاهایه گوزلیقدا یتیشمز

حق فاطمه نی گللره زیور یارادوبدی

هُم فاطمه بحثنده قالوب چوخلاری عاجز

بو جمله ده حکمت حق داور یارادوبدی

پیغمبری الله ئوزی زهرائیله سایموش

هرچند اونی عالمه رهبر یارادوبدی

زهرانون آدیلا پَر آچور گویده ملکلر

زهرا آدین الله اولارا ، پَر یارادوبدی

خلقتده باخوب فاطمه نون شأننه الله

زینب تک اونا شیرزن نَر یارادوبدی

بو رسمدی ئوز همسرینه فخر ائدر عورت

چون همسرین الله اونا مفخر یارادوبدی

مجموعه ی خلقتده فقط زینبی الله

فخریه عبدالله، جعفر یارادوبدی

حق گرچه علینی یارادیب ساقی کوثر

زهرانی گینه ساقیه ساغر یارادوبدی

ئوز شأننه لایق خانمین خالق عالم

خلقتده باخوب همسر، حیدر یارادوبدی

الله گلی هر چند ائدیب زینت خلقت

زهرانی او گل دنده معطر یارادوبدی

زهرائیله سجاده یه زینت وئریب الله

تسبیح و مناجاته ده زیور یارادوبدی

زهرانی نه تک یئرلره زینت وئروب الله

اون بیر پارالاق اولدوزا محور یارادوبدی

بی فاطمه هر منبر اولا ارزشی یوخدی

زهرا آدینی زینت منبر یارادوبدی

الله خانمی تحفه وئریب جان جهانه

مین مریم وسارایه برابر یارادوبدی

زهرا هارا مریم هارا مین آی گونه چاتماز

الله کیمی گور شافع محشر یارادوبدی

بی عشق خانم«عدل جو»دنیا،نیه لازم

الله خانمی دللره دلبر یارادوبدی

احد عدل جو تبریزی

اشعار ترکی ولادت حضرت فاطمه زهرا علیها السلام

تا قویدی قدم عالمه آلاله ی عالم

عالَم گل آچوب طلعت زهرانی گورنده

بیر ایله کرامات و فیوضاتیله خورشید

گیزلتدی ئوزون صورت زهرانی گورنده

مهتاب او قدر کوکب رخشانیله گویده

شرمنده اولوب طلعت زهرانی گورنده

طوبا او گوزل حسنیله اول سرویله یکسر

قدین خم ائدوب قامت زهرانی گورنده

بیر ایله جلال و او قدر شأنیله مریم

تعظیم ائلدی حضرت زهرانی گورنده

حاتم که او دولتله اولوب شهرهٔ عالم

آچدی الینی دولت زهرانی گورنده

مین شوکت و اجلالیله حوران و ملائک

تپراقه دوشوب شوکت زهرانی گورنده

نسوان بهشتی که اولوب مظهر عفت

شرم ایله دیلر عفت زهرانی گورنده

جبریل امین و ملکوت اهلی سماده

حیرتده قالوب عصمت زهرانی گورنده

بسکه واریدی کینه سی نسوان یهودین

دوزمزدیله شخصیت زهرانی گورنده

یوخدور دئدیلر فاطمه نون تازه لباسی

شرمنده اولار خفت زهرانی گورنده

دعوت ائلیوبلر خانمی مجلس جشنه

دلشاد اولالار خجلت زهرانی گورنده

حق اولمادی راضی اولا زهرانی خجالت

عرشیم تیتیرر ذلت زهرانی گورنده

گوندردی خدا فاطمه یه جامه ی جنت

شاد اولدی نبی خلعت زهرانی گورنده

گئیدی خانم اول جامه لری گئتدی او جشنه

یئر عزت آلوب عزت زهرانی گورنده

یئر،گوی خانما فخر ائلیوردی یریدوقجه

تیتروردی زمین هیبت زهرانی گورنده

تا قویدی قدم مجلسه انسیه ی حورا

غش ایلدیلر زینت زهرانی گورنده

یازمیردی قلم،ائتدی دعا «خادم آذر»

خامه م دل آچوب رأفت زهرانی گورنده

احد عدل جو تبریزی

اشعار ترکی ولادت حضرت فاطمه زهرا علیها السلام

جهاندا ماخلقون اعتباریسن زهرا

خدای لم یزلون افتخاریسن زهرا

حمیده دخت نبی،اٌسوه ی کمال وسعید

جزا گونی نجبانون عیاریسن زهرا

نجیب و عاطفه مسلک زکیّه و طاهر

بطون حکتمه سن آشکاریسن زهرا

بویوردی خالق کون و مکان مقامینده

حبیبه و هنر کردگاریسن زهرا

معرفی الییَنده کساده فاطمه نی

بویوردی آل عبا شاهواریسن زهرا

و فاطمه و أبوها و بَعلٌها و بنو

اَزَل چاغیردی سنی شهسواریسن زهرا

آتان نبیّ و رسول و امینِ خلق الله

اَلوندن اوپدی دئدی رستگاریسن زهرا

بخاری نقل ایلیوب راوی تسنندور

پیمبرون اورگینده قراریسن زهرا

 فَاِنّما هِیَ صدیّقه بَضعَهٌ مِنّی

نبیِّ اکرمین آیینه داریسن زهرا

علینی خلق إلماقدا تعجب أتدی خدا

علی بویوردی منه سن وقاریسن زهرا

علی دیلینده اولان حمد حقّ و ذکر و دعا

علی اَلینده اولان ذوالفقاریسن زهرا

طریق عشقیده یوخدور سنه زوال و مثال

حسین آناسی علینون نگاریسن زهرا

نه سیرتینده مگر وار که امّ تقواسن

مدار عصمته سن سرمداریسن زهرا

نه حکمتی وار آدیندا شفادی مضطرّه

شرف نشانه سی سن نامداریسن زهرا

طلیعه ی ازلیدور یوزونده کی نورین

جهان مدارینه سن اقتداریسن زهرا

تا جمالندان کنار ائتدی مه بطحا نقاب

خجلتیندن ائتدی پنهان اوز ضیاسین آفتاب

اولدی عالم مقدمندن رشگ گلزار بهشت

چولقادی دنیا یوزون یکسر شمیم مشک ناب

شمع حسنوندن ایشقلاندی شبستان فلک

رنگ رخساریندان آلدی کون و امکان آب وتاب

دولدوربدور نکهت زلفی فضای عالمی

سانکی افلاکه سپوپدور قدسیان عطرو گلاب

چیخدی بیرمه برج عصمتدن که خورشید جهان

فیض انوار جمالیندن ائدر نور اکتساب

موجه گلدی لطفدن دریای عشق و معرفت

ساحل امکانه سالدی بیر درنایاب ناب

گوهر دریای رحمت پیکر صدق و صفا

مظهر لطف الهی ملجاء یوم حساب

مهبط وحی ولا اولدی جمالندان جلی

گلدی تا بنت شه لولاک و کفو بوتراب

تاقدم قویدی جلالیله ترابه رشگدن

گلدی فریاده فلک یالیتنی کنت تراب

من کیمم توصیف ائدم مصداق کوثر وصفنی

بللیدور تعریف ایدنمزشان دریادن حباب

من هارا مدح صفات بنت پیغمبرهارا

مدحتین کوثرده تصدیق ایلیوب ام الکتاب

 دامنیندن چکمه آل «شب خیز» اودورباب امید

سال اوزون بو آستانه اول جهاندا کامیاب 

مرحوم شبخیز قراملکی

اشعار ترکی ولادت حضرت فاطمه زهرا علیها السلام

بوگون جهانه قدم قویدی درگنج حیا

عزیزه دو جهان یعنی حضرت زهرا

خدا بو نوریله قورتاردی کونی ظلمتدن

تاپوبدی عالم امکان بوگون بیر اوزگه ضیا

بشر غلطدی دیسم نورمحض دوربو خانم

ایدوب ولیک بشرصورتینده خلق خدا

خدا- حبیبه سیدورباب فیض و رحمتدور

بشراولان اولا بلمزبو شوکته دارا

عجب جلالتی وار- شانی واربو خاتونین

خدایه آند اولا عاجزدی نطقیم ایتسون ادا

نظرتولدیدورایستورم بیانه گله

تاپا بو قانه دونن دل ولادتیله صفا

اراده سی بونا اولدی خدای لم یزلین

ایده جهانی منوراو نورحی الا

آناسینا آنا بطنینده مونس دلیدی

بیان ایدردی قصص متصل آنایه بالا

ایدردی دفع ملالین غریبه دللریله

دیردی باغلا امیدین خدای حقه آنا

او وقت اولدی که قویسون فنا جهانه قدم

مزین ایلسون عالملری او مه سیما

حمایت ایلماقا گلمدی زنان قریش

اوگون خدیجه نون اولدی گوزینده تیره فضا

او دمده امرخدائیله باغ جنتدن

گلوبدی مریم و سارا و هاجرو حوا

اولوبدی قابله سی بانوان خلدبرین

فدا جلالیوه ای دخت سید بطحا

ایدوبله غنچه گل تک قماطه پیچیده

آلوب قوجاقینه قنداقینی رسول خدا

گهی اپردی او گل غنچه سین گه ایگلردی

بهشت عطری قیزیمدان گلوردیردی بلا

سنون گوزیندن ایراق آه یا رسول الله

بیراوزگه گوزده اونی گوردی فرقه اعدا

گیدنده امته سن تاپشروب اونی گیتدون

ولی چه فایده ویردی نتیجه عکس اونا

او بیکسی درو دیوارآرا قویوب ثانی

شکست اولدی وجودینده بیرنچه اعضا

خدانی عصمت زهرایه آند ویر(حامد)

اوزی بو اهل جهانه توجه ایلیه تا

مرحوم حامد تبریزی

اشعار ترکی ولادت حضرت فاطمه زهرا علیها السلام

به به ظهور نور کوثر مبارک اولسون

حقدن فصّل ربّک والنحر مبارک اولسون

تکبیر سسله عید اکبر مبارک اولسون

طاهایه حق ویروب بیر دختر مبارک اولسون

آینده ده علی چون همسر مبارک اولسون

میلاد کفو پاک حیدر مبارک اولسون

صاحب زمانه روز مادر مبارک اولسون

خیرالنسادی زهرا نور خدادی زهرا

مشگلده قالسا هر کس مشگل گشادی زهرا

کنز ولادی زهرا مس یوخ طلادی زهرا

بنت الهدادی زهرا امّ الحیادی زهرا

گیزلتمه دلده دردون درده دوادی زهرا

بدر الدّجادی زهرا شمس الضّحادی زهرا

حقّا طلوع ماه انور مبارک اولسون

زینت وئروب دیوللر ربّ الکرم بهشته

کحشرده یول تاپانماز اندوه و غم بهشته

هر غرفه دن آسیلمیش زیبا علم بهشته

حسرت باخار تمام اهل نعم بهشته

زهرا گلینجه هئچ کس قویماز قدم بهشته

وارد اولان زماندا اول محترم بهشته

دللر دییر ورود دلبر مبارک اولسون

طاها بیزه پیمبر مولا علی امامدی

بیز امّتین آتاسی بونلاردی سوز تمامدی

افراطی سوز دانیشماخ پیغمبره حرامدی

گور فاطمه نقدری دارای احترامدی

ختم رسل دییردی زهرا منیم آنامدی

مریم اونون کنیزی عیسی اونا غلامدی

یاز انبیاء باشیندا افسر مبارک اولسون

الله بویوردی شاد اول ای سرور رسولان

ائتدوخ عطای کوثر اولسون حقیقت اعلان

ابتر سنه دیینلر ابتردیلر کماکان

باغلا نمازه قامت نحر ایله طبق فرمان

پیغمبره بو مژده ویردی سرور شایان

قربان کسوب بیوردی اولّام اوزومده قربان

دلده اولوب فداها ازبر مبارک اولسون

سیر ائت کسا حدیثین دقّتله عارفانه

گور باغ پنج تنده کیمدور گل یگانه

کیملن تانیتدیروب حق بش نوری عرشیانه

هُم فاطمه سنددی نه طبع شاعرانه

زهرایه ویرمیش الله اجلال جاودانه

عالم بدون زهرا ابتردی بی بهانه

بش نور ایچینده رُکن محور مبارک اولسون

خاصان اهل بیته واردور ایکی ولادت

اوّلکی عالم ذر قبل از وقوع خلقت

تاریخینی سوروشما یاز ابتدای وحدت

میلاد دوم اما روشندی مثل هجرت

حق نوری خاموش اولماز واقفدی اهل حکمت

صاحب صحفدی زهرا آئینه دار عصمت

نسوان عالمینه سرور مبارک اولسون

اول گون که آسماندا اولدوزلار آسلانوردی

قبل از حضور خورشید اون دورت چراغ یانوردی

زهرا آدین ملک لر افلاکیده تانوردی

یردن قاباق او جلوه گویلرده پارلانیردی

آدم شرف تاپاندا ابلیس الولانوردی

منظور فاطمیدی شیطان مگر قانوردی؟

ابلیسی قؤدی امر داور مبارک اولسون

بانوی دیندی زهرا حقّه معیندی زهرا

آختارما یرده قبرین اعلا نشیندی زهرا

تاج فرشتگان عرش بریندی زهرا

ال اوزمه دامنیندن حبل المتیندی زهرا

گوزله تظاهر ائتمه چون نکته بیندی زهرا

یوم الجزا شفیع اهل یقیندی طهرا

ائتسه کیمه شفاعت محشر مبارک اولسون

یا ویلنا دیَن گون امت اورکده یاره

پرونده الده اهل محشر دوشر فشاره

بیر سس گلر سمادن هر گوش هوشیاره

یومسون گوزون جماعت گئتسون هامی کناره

باغلار پل صراطی مأمور حق دوباره

بیر قانلی کوینک الده زهرا گلر سواره

طاهایه ارمغان احمر مبارک اولسون

آل اللهین «کلامی» اعطاسی آبرودی

عشق اهلینون بو یولدا سوداسی آبرودی

بیر واژه دی محبت معناسی آبرودی

هر شاعرین خلوص و تقواسی آبرودی

هر نوکره عطای مولاسی آبرودی اشعاریوه

 حسینون امضاسی امضاسی آبرودی

یا اهلبیته اولدوم نوکر، مبارک اولسون

 کلامی زنجانی

اشعار ترکی ولادت حضرت فاطمه زهرا علیها السلام

آچوب بیر نو گل زیبا گلستان رسالتده

نه گل گورمز  نظیرین  باغبان دهر خلقتده

قلم عاجزدی تعریفه دلیم قاصردی گفتاره

مناسب واژه یوخ منده حقیرم الده یوخ چاره

یقیناً مادح اصلی خدادی آل اطهاره

گله اوخشاتمشام غرق خیالم بحر خجلتده

سروش هاتف غیبی یتشدی گوشیمه  ناگاه

تحیّر عالمینده غرق اولوبسان اولموسان گمراه

بودور ریحانه ی طاها بودور مرضیه اول آگاه

بونون مثلین گورنمز دیده ی گردون جلالتده

بودور محبوبه ی خلاق عالم خیرة النّسوان

بونا کوثر دیوب قرآن مُنزلده حق منان

بو بیر بانوی عظمادی که تعریف ایلیور قرآن

بونا خاطر جهانی خلق ایدوب خالق حقیقتده

بو دخت حضرت طاهادی محبوبه خداونده

بونون انوار پاکیندن اولوب خورشید تابنده

کواکب انجم و افلاک عالم حسنونه  بنده

جمادات و نباتات و ملایک جمله طاعتده

حیا و عصمتین گنجینه سینده گوهر یکتا

خدایه سویگولی آرام جان سرور بطحا

زکیه هانیه ام ابیها عصمت کبرا

زنان عالمه الگودی زهرا حجب و  عفتده

بتولی بدو خلقتده عزیزه خلق ایدوب معبود

آ تاسی علت ایجاد خلقت احمد محمود

وفالی همسری شیر خدادور خلقته میصود

ویروب اون بیر اوغول عیسادن افضل شان و عزتده

بهشتی بانوان با جلالته هاجر و حوا

خدیجه مادر ام ابیها مریم و سارا

بهشته گتماقا گوزلَـلَّه گلسون حضرت زهرا

خرام ایتسون خانم اولسون اولار جمله معیتده

صحف نازل اولوب زهرایه ابراهیم و موسی تک

اولوب مونس ایدوب صحبت آنا بطنینده عیسی تک

خطا گتدیم اولارتشبیه اولا زهرایه زهرا تک

کیمی حق لطفونه شامل ایدوبدوراولویتده

شمادتله دیردی مشرکین پیغمبره ابتر

گوروب خلاق عالم غصه لندی قلب پیغمبر

بویوردی یا رسول الله سنه بذل ایلروخ کوثر

سنه ابتر دینلر اوزلری ابتر اولار یکسر

مسیحه دم ویرن آدوز گتوردی طبعیمی جوشه

در امیدوزه گلدیم حقیرم الده  بیر خوشه

عنایت ایلیون بو خوشه اولسون قبریمه توشه

«پرندی» سالمیون گوزدن خانم یوم شفاعتده

«بو جمعی سالمیون گوزدن خانم  یوم شفاعتده»

پرند تبریزی

اشعار ترکی ولادت حضرت فاطمه زهرا علیها السلام

یاز قلم یکسره الان اوین آباد خانیم

ماه رخشان و درخشان اوین آباد خانیم

ای اولان دردلره درمان اوین آباد خانیم

مادر شاه شهیدان اوین آباد خانیم

عید یانه ائله احسان اوین آباد خانیم

چوخ بولورسن آدیوی فاطمه جان سسلیرم

چون گوزوم واردی الینده سنه دردیم دییرم

اتگینن یاپوشوب من هامیدان ال اوزرم

روز میلادیوه خاطر قدمونن اوپرم

ای بیزه تحفه شایان اوین آباد خانیم

گل آچوب گلشن ائللرده آدی فاطمه دی

ازبر اولموش هامی دیللرده آدی فاطمه دی

مونس و همدم مادر ده آدی فاطمه دی

همسر فاتح خیبرده آدی فاطمه دی

شافع کل جهان سان اوین آباد خانیم

یارادوبدی سنی خالق بیزه آیتدی خانیم

آدیوی سسلمه گیم اوج سعادتدی خانیم

گلمگون مجلسه واللهی عنایتدی خانیم

گلمسن بیر نظر ائدسنده کفایتدی خانیم

ایلدون عالمی حیران اوین آباد خانیم

شیعیه فاطمه اول ؛ قسمتیوه نار اولماز

فاطمه سسلیینی درده گرفتار اولماز

فاطمه اولماسا هش حیدر کرار اولماز

مرتضا سهلیدی هش احمد مختار اولماز

حیدر و احمده جانسان اوین آباد خانیم

فاطمه گلدی جهان مقدمینه ، مست اولوب

فاطمه ایلن هامی عالمللر اینان : هست اولوب

احمد و حیدره زهراده کی پیوست اولوب

اوچی باهم ییغیشیب بیر یره هم دست اولوب

ادیلر عالمی رضوان اوین آباد خانیم

ای قلم بسدی قوتار دوزدی کی جوشقوندی سوزوم

بو سوزی یازماقاخاطرداخی دای یوخدی دوزوم

روزمادر دی بوگون مهدی زهرایه گوزوم

آقاما قربان اولا دار و نداریم هم اوزوم

دییه بیر دفعه پریشان اوین آباد خانیم

رامین محمد زاده (پریشان)

اشعار ترکی ولادت حضرت فاطمه زهرا علیها السلام

عالمه آیت صنع حق یکتا گَلدی

عصمت آئینه سی صدّیقه ی کبری گَلدی

نفس هستی اولا باجادی فدا مقدمینه

صفحه ی خلقته مدلول فداها گَلدی

مهبط وحیه ایدوب نور الهیّه هبوط

تا او معموره ی قدّوسیه زهرا گَلدی

جلوه ی کنز خفی بیت هداده گورونوب

صدف وحدته تا لولو لالا گَلدی

طُهر مطلق تاپوب آئینه ی خلقتده ظهور

اِنَّما فصلینه بیر طاهره معنا گَلدی

قلّه ی قاف عفاف اوج سپهره اوجالوب

تا ستیغنده مکان ایتماقا عنقا گَلدی

لطف فردوس تاپوبدور چمن قدس و عفاف

که بهشتی رُخیله بیرچمن آرا گَلدی

خانه ی آینه ی عصمت اولوب عرصه ی کون

تا رخ عصمته انوار هویدا گَلدی

دم رحمتدن آلوب فیض، گُل باغ مراد

گلشن کونه بو گُل اولدی شکوفا گَلدی

گَلمه سِیدی تن بی روحیدی آزرم و حیا

نفسی نفس حیانی ایده احیا گَلدی

نه فقط کونی ایدوب جلوه سی آئینه ی طور

دیده ی احمد اولوب روشن او مه تا گَلدی

نور آلوب باهره انجم مه رخساریندن

فلک عصمته تا زهره ی زهرا گَلدی

وجه حق آینه سیندن کدر غم گیتدی

ذات حق نورینه مرآت تجلّی گَلدی

آرتیروب گَلماقی اسلافینه تکریم و وقار

مفخر آسیه و مریم عذرا گَلدی

پرده ی جهلی ایدوب پاره فروغ حقیله

محو اولا تا اثر ظلمت عمیا گَلدی

عالمه قامتی مین خُلد صفاسی گَتیروب

باغ خُلده دیمورم نخله ی طوبی گَلدی

تا تموّج ایلدی بحر عطای ازلی

ساحل حاصله بو گوهر والا گَلدی

آیریلوب مشعل وحدتدن ازلده نچه نور

نور زهرا ولی بو عالمه یکتا گلدی 

مرحوم استاد عابد تبریزی

اشعار ترکی ولادت حضرت فاطمه زهرا علیها السلام

مطالب پیشنهادی : میلاد حضرت زهرا علیها سلام - ویژه نامه ریحانه النبی

Share