متن نوحه ترکی شهادت امام رضا علیه السلام

متن نوحه ترکی شهادت امام رضا علیه السلام

در این بخش از ضیاءالصالحین، به مناسبت شهادت امام هشتم شیعیان، متن نوحه ترکی شهادت امام رضا علیه السلام را تقدیم سوگواران آن حضرت می نماییم.

«متن نوحه ترکی شهادت امام رضا علیه السلام»

گل ای دیار غربت آرا یاوریم اوغول

خوارم اوغول غریبم اوغول سروریم اوغول

جان ویرمرم قیامته دین گوزلریم سنی

گل گور نجه یولوندا قالوب گوزلریم اوغول

یوخ بیر کسیم وصیت ایدم گلموری بالام

قورخوم بودور اورکده قالا سوزلریم اوغول

جدّیم حسینیله منی بیر جان خیال ایله

منده سنه خطاب ایدرم اکبریم اوغول

معصومه نی یانونجا گتور قارداشی ئولور

زینب کیمی عزاسی دوتا خواهریم اوغول

گل گور نه نوع زهر جفائیله دوغرانوب

آغزیم دلیم سینم جگریم لبلریم اوغول

گلدیم یانقلی دیللروه من فدا آتا

چکمه نوا که گلدی گلون بی نوا آتا

بیر بلبل بهار خیالیله گلمیشم

امّا خزان ایگی ویروری بو هوا آتا

من گلمیشم خبر آپارام اهل بیتوه

مدّتدی گوز تیکوبله یولا اقربا آتا

مامون سنی گتوردی امامت هواسیله

وامحنتا بو ذلّته واغربتا آتا

قویوب ایاقینی دهلیزه چون فغانیله

گوروب قویوبدیلا بیر طشت دولوبدی قانیله

باخاندا طشته نه گوردی امام اهل نظر

که پاره پاره جگرلر او قان ایچنده اوزر

باخوب او قانه گوروب گوگلی قانیله دولوری

او قانی ایگلدی گوردی که جان ایگی گلوری

نه قاندی بو که ایگی ایلدی منی بیهوش

گورن زمان گینه بو قانی قانیم ایلدی جوش

نه طشت دور بو مگر طشت کربلادور بو

دولوبدی قانیله صحرای نینوادور بو

جگرلرین هره سی بیر شهیددور عریان

که پاره پاره دوشوب قانینه اولوب غلطان

باجیم یانیمدا بو وقتیمده کاش اولیدی منیم

که غشّ ایدر اورگیم آنّی اوویدی منیم

دوشوبدی تنگه گوگل غمدن اولموری آزاد

گوزوم قالوب قاپودا گلمدی تقی جواد

غریب ئولنده جان اوستونده صاق صولون گوزلر

آتا ئولنده جوان اوغلونون یولون گوزلر

بیر بلبلم که راه گلستان ایتورمیشم

بیر قمریم که سرو خرامان ایتورمشم

بیر لال طوطیم که فلک تلخ کام ایدوب

حیرتده قالمیشام شکرستان ایتورمیشم

زبان شعر و شاعر: نوحه ترکی ، دخیل مراغه ای

قویمیوب بو زهر کینه  قلبده دؤزوم الهی

اوغلومی یتور اماندور یولدادور گوزوم الهی

بیر نفر یانمدا یوخدور من غریبی یاده سالسون

باشیمی کناره آلسون درد و محنتیم آزالسون

قویما بیله وقتده سن حسرتیم اؤرکده قالسون

اوغلوما دیماقه دلده واردی چوخ سوزوم الهی

نه یانیمدا واردی باجیم بیر نفر نه محرمیم وار

غربت ایچره باغری قانم دلده درد مُدغمیم وار

یوخدی بیر نفر که بولسون ای خدا نه عالمیم وار

ظلمدن دونوبدی آخر شامه گوندوزوم الهی

خوشدی باشیم اوسته ایندی مهربان باجیم اولیدی

حالیمه باخوب یانیدی ابر تک پوزی دولیدی

گوزلریمی باغلییدی باش اچیدی ساچ یولیدی

قالمییدی حسرتیله یرده تا یوزوم الهی

دوشموشم بیر عمردور من ائل قبیله دن کناره

عاقبت ووروبدی مأمون اودلی قلبیمه شراره

صون نفسده اولما راضی گوز یاشیم آخا عذاره

بو قدر ملاله هانسی محنته دؤزوم الهی

بس که چوخ اثر ائدوبدور زهر کین یانور بو جانیم

نه بو حاله واردی طاقت درد هجره نه توانیم

گوزلریم قالوبدی یولدا گلمدی خدا جوانیم

قان اولان گوئلده آخر قالمیوب دؤزوم الهی

ای خدا آدیم رضادور راضیم هامی قضایه

من بیر عمریدور بولورسن دؤزموشم غم و بلایه

هر قدر جفا یتشسه ائتمرم سنه گلایه

مین بئله بلایه دلدن راضیم اؤزوم الهی

اللریم اؤرک باشندا گوزلریمده اشک حسرت

قویمیوب بو زهر کینه منده صبر و تاب و طاقت

بو منیم غم و ملالیم ای خدا بو درد غربت

نه روا بو حسرتیله جاندان ال اوزوم الهی

عاصیا زیارت ایسته یالوار عجزیله خدایه

یا ائده بو شاهه زائر یا شهید کربلایه

اوردا بو سوزی مکرّر ذکر ائداخ گلاخ نوایه

قویمیوب بو زهر کینه قلبده دؤزوم الهی

زبان شعر و شاعر: نوحه ترکی ، عاصی

یا رب غم غربت نه چتین درد و بلادی

رحم ایله رضایه که غریب الغربادی

غربتده گلن درد و بلالرده گوزوم وار

یوز مین بئله درد اولسا گئنه منده دؤزوم وار

سندن نه بلا گلسه رضایم نه سوزوم وار

محبوب نه گوندرسه حبیبه او گوزلدی

دردین قالا درمانی طبیبه نه گوزلدی

دردی دئماقیله بوشالار غصّه گوگولدن

بیر همنفس اولسا آزالار غصّه گوگولدن

معصومه باجیم گلسه آلار غصّه گوگولدن

هیهات اونی گورماقدا محال اولدی الهی

عمریم گوننه وقت زوال اولدی الهی

معصومیه من نامه یازوب دعوت ائدندن

بولَّم دوشوب اواره او بیچاره وطندن

ایمدی سوروشور حالیمی یولّاردا گورندن

مندن آلینان خوش خبره خوش هوس ایلر

خوش تازه خبر شوقنه تازه نفس ایلر

دلدن کسیلوب رشتۀ آرام و قراری

یولدا سورونور هر گئجه گوندوز منه ساری

الله باجیمی یولدا مریض ایلمه باری

یولّاردا مریض اولسا نجه یول گلر آخر

درد مرض و رنج سفردن ئولر آخر

بولَّم بو مسافر سفرین باشه وئرنمز

قم شهرینه یتسه دایانار طوسه گلنمز

صد حیف من ئولَّم منی معصومه گورنمز

تئز گلمدی یوللاردا یوباندی گئجه قالدی

دیداریمزی گلدی ئولوم محشره سالدی

بیر کیمسه اولیدی دایانوب یولدا قالیدی

معصومه گلنده باجیمون گوگلون آلیدی

اول قاره گونون باشینه بیر قاره سالیدی

قاره دیولَن قاره گونه قاره خبردی

مندنده او بیچاره دل افکاره خبردی

ایمدی منی غربتده بولور شاد وسلامت

گوگلونده چکور نقشۀ هنگام زیارت

بولمز او سیه بخته یتشمز بو سعادت

چوخ دللری حسرتده قویوب گردش دوران

چوخ باجینی قارداش ائدوب چاک گریبان

آخر نفسیمدور وئرورم جان ئولورم من

جان اوسته گوزوم آختاری جانان ئولورم من

گلمز ندن اوغلوم اونا قربان ئولورم من

قالمش نگران یولدا بو گوزلر اونی گوزلر

هر بیر آتا جان وئرسه جوان اوغلونی گوزلر

زوّارلریم قبریمه بیر گون گذر ایلر

دردیم ندی زوّاریمه قبریم خبر ایلر

غربت غمی زوّاره اودور تئز اثر ایلر

غربتده قالان درد غریبی بُلر آغلار

حسرت گوزینون یاشنی تز تز سیلر آغلار

چوخ گونلری من باشه یتوردوم اَلَمیله

چوخ ایل گجه نی باشه یتوردوم نه غمیله

گوگلوم گجه گوندوزده سنوب مین ستمیله

گوندر بو سنان گوگلی گلوب بیر نفر آلسون

دردیم ندی غصَّم ندی مندن خبر آلسون

زبان شعر و شاعر: نوحه ترکی ، ذهنی زاده

فراق و هجر نصیبان منزل غربت

غریب غصّه شعاران گوشه محنت

بیله روایت ایدون چون گل ریاض عزا

شفیع عرصه روز جزا امام رضا

دیار شهر خراسانی ایتمشیدی مقام

گئچردی آهیله عمری او غربت ایچره مدام

او شاهه غربت آرا نه انیس و نه غمخوار

ملازمیدی اباسلط مومن و دیندار

زبسکه قالمیشیدی آیریلوب ولایتدن

دیار طوسده چوخ تنگه گلدی غربتدن

کمال حزنیله بیر گون او سرور بطحا

زبانحالی اولوردی بو دیللّره گویا

فلک نه ظلمدی قیلدون منی بلایه دچار

عزیزیدیم ایلدون آخریمده بیر بیله خوار

آیردون حسرتیلن جدّیمون مزاریندن

ستمله شهر خراساندا قالمیشام بی ریا

عیالیمی گوزی یولاّردا انتظار ایتدون

الی اورکده جگر داغلی دیده سی خونبار

عیال فاطمه ئیله بو نه عداوتدور

گوروم خراب اولاسان آی سپهر کینه شعار

گورن زماندا اباسلط او سروری گریان

دیدی آقا بو غریب جانیوا اولوم قربان

ندندی قلب شریفون اولوب بیله غمگین

نه مطلبون وار اورکده ایا امام مبین

او دم بویوردی اباسلط سرور مدنی

عجب بلالره سالدی بو روزگار منی

اوزاق زماندی که من گلمیشم خراسانه

یانار منیم اوره کیم سوز نار هجرانه

دولان سراغ ایله قاصد اولسا ایت معلوم

یازوم مدینیه بیر نامه تا من مظلوم

گزوب دولاندی اباسلط گوردی قاصدوار

گلوب امام حضورینده ایلدی اظهار

قلم آلوب الینه شاه عالم امکان

یازاردی نامه ده گویا بو نوعیلن عنوان

گل ای جهاندا بلا مبتلاسی معصومه

اولان زمانه ده یوزمین بلاسی معصومه

اگر سوال ابده سن حالیمی ایدوم معلوم

آلوبدی جانیمی غربت جفاسی معصومه

باجی محبّتی دوران غمی فلک ستمی

سالوبدی درده منی یوخ دواسی معصومه

او سن گورن گل رنگیم فراقدن سارالوب

گئدوبدی گوزلریمونده ضیاسی معصومه

مدینه دن نه گلن وار نه بیر خبر گتورن

اوزاقدی یثربیلن طوس آراسی معصومه

قزیم دوشوب یادیما اود دوتوب یانار جگریم

گلنده هر قیز اوشاقلار صداسی معصومه

نه واردی بیر گئجه لر گونوزلر آرامیم

چوخ انجیدور منی هجران یاراسی معصومه

نه مشگل ایشدی غریب اولکه ده ذلیل اولماق

یانیندا اولماسا بیر اقرباسی معصومه

کناره چیخماقا قویماز داخی منی مامون

گئدن الیندن امام رضاسی معصومه

گئجه یاتاندا محمّد تقی خیالیمده

بو جانیمون اودی بهجت فزاسی معصومه

دوشوبدی باشیمه شوق زیارت ال چاتماز

حسین تشنه لبون کربلاسی معصومه

آتام قراسینی باشوندن آچما قوی قالسون

یاخوندی سالماقا قارداش قراسی معصومه

یتنده نامه خراسانه گل دایانما داخی

یاخونلاشوبدی رضانوم عزاسی معصومه

ئولنده گل گوزومی باغلا نعشیمی یولا سال

جنازم اوسته باش آچ ساخلا یاسی معصومه

ریاض ماتمینه نوحه خوان اولور قمری

گلور قولاقیمه دایم نواسی معصومه

زبان شعر و شاعر: نوحه ترکی ، قمری

قارداش دئمه غمینده معصومه جانه گلمز

دل یوخ دیَم نلر واردردیم بیانه گلمز

واللهی سن گئدندن یوخدور یوخی گوزومده

بیله محبت اولماز بُلمم ندور اؤزومده

سنسیز ئولوم نشانی ظاهردی بو یوزومده

پژمرده گول منیم تک  بیر گلسِتانه گلمز

نه وار آنام یانیمدا قارداش مواظب اولسون

احوالیمی سوروشسون هر دم مراقب اولسون

بیر کیمسنه تاپولماز منله مُصاحب اولسون

من تک وطن غریبی بُلَّم جهانه گلمز

قلبیمده فرقتیندن بیر سوزش نهان وار

کشف ائتماقا بو دردی نه شرح و نه بیان وار

بو یانماقیمدا گویا باجیوا امتحان وار

قارداش باجی یانیندا عشق امتحانه گلمز

دل ویرموشم سنون تک بیر بی بدل نگاره

فکریم هامی وفادور من قویدوقوم قراره

خوشدور او عهد چکسه هر شهر هر دیاره

یانسا اگر غمونده قلبیم فغانه گلمز

نامون منه یتیشجک گلدی اله مرامیم

چیخدیم وطندن آخر آرتدی منیم ملالیم

باد صبائیله گر یتسه سنه سلامیم

بُل غربت ایچره قارداش اشکیم روانه گلمز

قویدون منی وطنده گئتدون عراقه قارداش

هر کاروان گلنده  گئتدیم سراقه قارداش

باد صبا گتوردی عطرین دماغه قارداش

غربتده آغلارام من دردیم شماره گلمز

ال ساخلا سن «ثریا» یازما بو قدر محنت

قارداش غمینده چکدی باجی بو نوع زحمت

هر دم دیردی قارداش مشکلدی درد فرقت

گزلین قالوب اؤرکده لیکن زبانه گلمز

زبان شعر و شاعر: نوحه ترکی ، ثریا تبریزی

گل جوادیم گوزوم اطرافی گزر جان ویرورم

دوغرانوب زهر جفائیله جگر جان ویرورم

آلنما آخرعمریمدی سویوخ تر دوزولوب

سال شتابیله خراسانه گذر جان ویرورم

طوسیده گوزلری یولاردا اطاقیمده اوغول

انتظارم سنه هرآن نقدر جان ویرورم

قولوی بوینوماسال منده اوپوم صورتوی

گورسنه یوزیوزه شمسیله قمر جان ویرورم

احترام ایلدی مامون منه خلقین گوزونه

منده بد فکرینه وار گوردی ضرر جان ویرورم

ویردی انگوریده زهری اوره گیم پارچالانا

یوزوی گورمگه قلبیم تله سر جان ویرورم

مین طبیب لولسا طبابت ایلسه ایندی منه

بیلورم ورمیه جک ذره ثمر جان ویرورم

سندی آئینه کیمی شیشه عمریمده منیم

ووردی داش پنجه پرخوف وخطرجان ویرورم

زبان شعر و شاعر: نوحه ترکی ، معزی اردبیلی

قبریدن آنا باش گوتوربوگون طوسیده اولان ماجرانی گور

غربت الکه ده زارو ناتوان ظلمیله ویرن جان رضانی گور

ای آنا نجه گورعدو ایدوب ظلمیله منی باغریقان بو گون

زهرکینیله یاندی لبلریم دلده قالمیوبدی توان بوگون

دمبدم اولورزرد صورته اشک حسرتیم چون روان بوگون

گل اوزون آنا باشیم استینه بیرجه بو دل ناتوانی گور

یوخ آنا بوگون ایل فبیله دن بیرنفرآلان غم آلان منه

نه یانیمدادورمهربان باجیم بو زمان اولا همزبان منه

شهرطوسیده بیرنفراولا اهل دل اولان جانفشان منه

یوخ یانیمدا بیرمهربان منه غصه دن اولان  باغریقانی گور

زهرکین آنا قلب زاریدن طاقت و توانائیی آلوب

فرقت جواد بو یانان دله دمبدم آنا بیرشرر سالوب

گلموری ندن بلموری مگرگوزلریم اونا منتظر قالوب

تا گله اونا بیر دیم اوغول لبلریمده کی لخته قانی گور

یوخ باشیمدا بیرمهربان آنا بو زمان من زاره آغلیا

باش آچوب یوزه اشکینی توکه بیله وقتیده سینه داغلیا

گوزلریمی یوخ بیر نفرآنا جان ویرن زمانیمده باغلیا

جان ویرور قوری تپراق استه گل بی انیس و بی مهربانی گور

ایلورم وداع بو جهانی من گلمدی جواد یانام آغلارام

کیم ایدر منه غسل و یا کفن گلمدی جواد یانام آغلارام

گل آنا اوزون باشیم استه سن گلمدی جواد یانام آغلارام

اوج ایدرنجه عرشه طوسیده متصل بوگون بیرفغانی گور

خوشدورای آنا جان ویرن گوره باشی استه اوزمهربانینی

هم کنارینه جان کیمیآلا راحت ایلیه خسته جانیمی

پاک ایده محبتله دیده دن متصل آخان اشک آلینی

لطف ایله آنا ایلیوم بیان دلده کی اولان بو نهانی گور

آه آه آنا یاندی تازه دن غصه لی دلیم بیرشراریدن

دوشدی یادیمه جدیمی اودم سالدی کوفیان اختیاریدن

نیزه اوخ قلج اود ووروبدولار فرقه لعین هرکناریدن

رحم ایدن اونا اولمادی او گون سنگدل آنا اشقیانی گور

آل حیدرین غملری آنا حشره تک چتین سینه دن گیدر

حاصه جدیمین کربلا غمین فکرایدن آنا سینه چاک ایدر

لیک (عاصمه) شام و هم سحرشغل اولوب یوزه اشکتر توکر

اوج ایدر اونون عرشه ناله سی بزم غمده گل آه و وانی گور

زبان شعر و شاعر: نوحه ترکی ، عاصم تبریزی

ای خدا جان استیم اوغلوم جوادی تیز یتور

چون اونون دیداریدورقلبیم مرادی تیز یتور

یوخ بو غربت الکه ده بیرمحرم رازیم منیم

جان ویرن وقته اولوب غربت ولایت مسکنیم

خوشدلم السم اولارخاک خراسان مدفنیم

المموش اوغلوم تقی خاص عبادی تیزیتور

بی سبب مامون هوای نفس وبدآئینیله

قلبیمه اودووردی یاندوردی بو زهرکینیله

سن اوزون دیوان ایله بو ظالم بیدینیله

یارب اوزپاداشینه بو بد نهادی تیزیتور

قتلیمه ایستردی اقدام ایلسون تدبیریله

ایلدی دعوت منی اوزبزمینه تزویریله

جبریله ایتدی منی مسموم یوخ تقصیریله

اوزجزایفعلینه اهل عنادی تیز یتور

توکمرم بیجا سرشک دیده خونباریمی

بیرگلوب اوغلوم تقی گورسیدی حال زاریمی

اوغلوما تفویض ایدردیم دلدکی اسراریمی

-گرچه یوخ گلماقینون چوخ امتدادی تیزیتور

اخرعمریمده تاپدیم اول امالیمی

ایمدی تاپشورام سنه یارب یتیم اطفالیمی

پوزموش هجرانی باجیم معصومه نین احوالیمی

باری اوغلوم ایتسون عزم بو بلادی تیز یتور

گلسون اوغلوم غسل ویرسون دفن و کفن ایتسون منه

احتاجیم اولماسون بیرحم و ظالم دشمنه

ظاهرااظهارظلم ایلوربوقاتلیم سنه

باطنا عالم سن یوخدوراعتقادی تیزیتور

آغلا (ذاکر) حضرتشاه رضایه دوت عزا

آغلاسون لایقدی درگاهینده هرشاه و گدا

قسمت اولسون گیت اوخی قبرینده با شور و نوا

ای خدا جان استیم اوغلوم جوادی تیز یتور

زبان شعر و شاعر: نوحه ترکی ، ذاکر تبریزی

چون جا گرفت شاه خراسان بارض طوس

خورشید سرنهاده درش بهر خاکبوس

شاهیکه نور طلعت او نورحق بود

برتافت بر عالم امکان ازان عکوس

درهردوکون صیت جلالش بلند شد

ازفرش تا به عرش رسیده غریو کوس

بنگرجلالتش همه شاهان روزگار

بردرگهش برای نیاز اورد رئوس

هرروز دید ان شه اقلیم ارتضا

اظهار کرد فتنه نو چرخ آبنوس

ای خسرویکه خسرو گردون بامر او

برتخت نیلگون فلک میکند جلوس

آندم که زهر برلب لعلش رسید شد

حیران فلک گرفت بدندان لب فسوس

شوق لقای دوست عنان رهش گرفت

باشد خلاص ازستم دهرچابلوس

لعل عقیق وش چو زمرد ززهرناب

رخسارارغوان چو ویراست وسندروس

بسیار کس فتاده از این توسن فلک

بسیار کس فتاده ازاین توسن شموس

(مضطر)همیشه بردلش ایت آرزو بود

گه بر دیار کوفه رود گه دیار طوس

زبان شعر و شاعر: نوحه ترکی ، مضطر قفقازی

ای خدا جان استیم آرام جانیم گلمدی

نولدی بس اوغلوم تقی تازه جوانیم گلمدی

آخرعمریمده گورورسن دلده یا سبوحیمی

بو پریشان حالیمیله بو دل مجروحیمی

انتظارم منتظر قویما یتور تیز روحیمی

قالدی تاخیره خدا روح و روانیم گلمدی

بیر طرفدن زهر کین آرامیمی الذن ألوب

بیر طرفدنده غم و غربت منی دلدن سالوب

انتظارم بار الها گوزلریم یولدا قالوب

طاقت دل نور چشم خونفشانیم گامدی

بیله وقتیمده یانیمدا نه باجیم معصومه وار

نه آنام نه محرمیم واردورنه یارو غمگسار

گوزلورم جان استه من بیر نو جوان گلعذار

نخل امیدیم او سرو گلستانیم گلمدی

اللریم قالموش اورک باشیندا تپراقدا یوزوم

باشیم استه آختارور بیر مهربان یارب گوزوم

اوغلوما واردور دیماقه دلده بیر نچه سوزوم

قورخورام قالسین اورکده مهربانیم گلمدی

بیر کسیم یوخ حالیمی باری رعایت ایلسون

باشیمی دیز استه آلسین دفع محنت ایلسون

ایسترم اوغلوم گلوب قرآن تلاوت ایلسون

منتظر قویدی منی اول خوش زبانیم گلمدی

جان ویرنده باشون استه سن ایا شمس الشموس

گوز آچوب گوردون دوروب اوغلون  ایدور آه و فسوس

لیک جدین جان ویرن وقتینده ای سلطان طوس

ذکر ایدردی زینب بیخا نمانیم گلمدی

باجیسی احساس ایدوب قارداشنین احوالینی

گلدی میدان اوزی یاددان چیخاتذی حالینی

تاپدی قارداشین توکوب رخساره اشک ألینی

سویلدی قارداش دیمه بیر مهربانیم گلمدی

گوزلرین قربانی باخما حسرتیله صاق صولا

گلدی زینب باشین استه آغلیا زلفین یولا

خجلتیم وار من سنی رزمه سوسوز سالدیم یولا

نیلیوردیم من سووا قارداش گمانیم گلمدی

تیر حسرت بسکه قلب صاف (عاصینی) دلور

گوز یاشی علت اودور غربال چشمیندن الور

قبریوه هی متصل زواردور شاها گلور

یا حسین بیر جه دیمورسن نوحه خوانیم گلمدی

زبان شعر و شاعر: نوحه ترکی ، عاصی

بو غربت الکه آرا قالموشام باجی یالقوز

غریب و بیکس دار و دیار معصومه

نه بیر قا پومی آچان وار نه بیر گلن یانیما

قالوبدی باغلی بو لیل و نهار معصومه

آلوبدی دوره می گور جمله یاد و بیگانه

گزر بو گون هامی مندن کنار معصونه

نه بیر گلوب نه گیدن وار نه حالیمی سو رو شان

نه دردیمه یته بیر کیمسه وار معصومه

که قو رخورام منی درک ایلیه اجل باجی جان

یوزیوی گورمیم ای گلعذار معصومه

سنه بو نامه یتوشجاق یتور اوزیوی منه

که یالقوزام منه اول غمگسار معصومه

گلنده بیرده جواد اوغلومون منیم یریمه

یوزیندن اپ گلن ای دلفکار معصومه

او گل جمالینی بالله چوخ ایستوری گوگلوم

مگر او گل یوزی یاددان چیخار معصومه

عبالیمون یوزینه حسرتم گیجه گوندوز

اوزوم ملول گوزوم اشکبار معصومه

قالوبدی گور نجه (غمناک) شیعه لر بکسر

کنار و گوشه ده محزون و زار معصومه

زبان شعر و شاعر: نوحه ترکی ، غمناک

«خطاب به زمین طوس و گریز به احوالات قتلگاه»

ای ارض طوس سنده عجب دلربا یاتوب

مرآت حق نما و جمال خدا یاتوب

بی اختیار مایل اولور دل وصالوه

سنده مگر بو کاه دله کهربا یاتوب

بالفرض روح شکّر اولا، سن بنفشه سن

ارواحی سنده جذب ایلین بیر قُوا یاتوب

سن سن عیار مسلّم و مؤمن لره محک

سنده عیارِ کاملِ اهلِ هدا یاتوب

ایلر زیارتون مس ایمانی صاف زر

بیر بوته سن که سنده گوزل کیمیا یاتوب

شمس الشّموس سنده دور ای مفخر فلک

سنده مهیله مهره وئرن انجلا یاتوب

اسلامیده عزیزدی سنده یاتان وجود

سن سن او یر که سنده امام رضا یاتوب

پیغمبرین عزیزی، جگر گوشه سی رضا

باب الحوائج اوغلی قضایه رضا یاتوب

سینای واقعیدی سناباد ارض طوس

سنده کلیم لم یزله مقتدا یاتوب

موسایه طوریده اولان انوار آشکار

سنده جفا الیله تاپوبدور خفا یاتوب

ای عرشدن گوزل یر، اوزی فرش زینتی

سنده سلیل پاکِ شهِ هَل اَتی یاتوب

بیر روضه سن ریاض بهشت بریندن

یوخ یوخ بهشتیده سنده جلالت فزا یاتوب

افلاکیان چکَلَّه تمام اشتیاقیوی

سنده حبیب خالق ارض و سما یاتوب

دریای علم و حکمت و بحر کمال و فضل

سن سن، نه چون که سنده دُر پربها یاتوب

ای گوهر یگانۀ پیغمبره صدف

سنده سرور سینۀ خیرالنّسا یاتوب

سن بیر رئوف امامی آلوبسان کناریوه

اسلامیانه سنده امید و رجا یاتوب

سنده جگرلری یارالی بیر بزرگوار

اوز ایل قبیله سیندن اولوبدور جدا یاتوب

یرلرده یوخدی بیر یر اولا شأنیوه نظیر

الّا او یر که اوردا شه کربلا یاتوب

بیر گل وار اوردا بلبلی ارواح انبیا

امّا یارالیوب اونی خار جفا یاتوب

عرش خدا چکر او یرین اشتیاقینی

چون اوردا گوشوارۀ عرش خدا یاتوب

بیر قبر واردور عرش کیمی آلتی گوشه لی

واللهی اوردا آینۀ حق نما یاتوب

قربان اولوم او مدفنه که اوردا قول بویون

بی غسل و بی کفن بیر آتا بیر بالا یاتوب

عرض ایلسم بهشت، بهشت ایلر افتخار

اوردا بهشته علّتِ خلقت آقا یاتوب

بیر قبردور زیارتی الله زیارتی

اوردا او که فدادی اونا خون بها یاتوب

عریان یارالی پیکری باشدان باشا خدنگ

گویا خدنگیدن پر آچوب بیر هما یاتوب

فریاد او وقتیدن که باجی تاپدی قارداشین

گوردی بدنده وار نه عبا نه قبا یاتوب

باشین کسوبله نعشی قوم اوستونده چاک چاک

گلدن لطیف جسمیده دورت مین یارا یاتوب

گویا که بیر طبق گلی اوراق ایدوبدیلر

هر برگی اوز یرینده دوشوب جابجا یاتوب

نیزه قلج سنقلاری آلتندا گیزلنوب

پیغمبر اوغلی خامس آل عبا یاتوب

عریان گوروبدی رحم قیلوب ایلیوب کفن

مرهم سالوب یاراسینا باد صبا یاتوب

معلوم اولور کسوب دالیدان قاتلی باشین

نعشی دوشوب یوز اوسته، ذبیح القفا یاتوب

بولدی باشین کسن آپاروب کوفیه قوناق

امّا اولوبدی منزلی مطبخ سرا یاتوب

سسلندی دور باجون سنه قربان نه یاتموسان

هانسی یارالی سن کیمی بی اقربا یاتوب

هانسی شهین پوزوبلار سنون تک جلالینی

صاحب لواسی قانه باتوبدور، لوا یاتوب

کیم سو یانندا سن کیمی لب تشنه جان ویروب

جان اوسته سو یرینه ایچوبدور دِما یاتوب

هانسی شهین ئولنده سویوبلار جنازه سین

کیم سن کیمی بلایه دیوبدور بلا یاتوب

هانسی آتا یانندا سنون اکبرون کیمی

نورسته بیر جوان اوزی گلگون قبا یاتوب

داماد ایدوبدی هانسی عمو قارداش اوغلونی

امّا یاخوبدی طویدا اله قان حنا یاتوب

واردور باشیمدا شور ((حسینی)) اودور سبب

نی تک سوزیمده پرده به پرده نوا یاتوب

زبان شعر و شاعر: نوحه ترکی ، حسینی سعدی زمان

آمداز راه وکشیده است عبا را به سرش

وای از سینۀ سوزان و ودل شعله ورش

همچو شمعی که بسوزد زشرر آب شود

آب کرد آتش آن زهر زپا تا به سرش

حجره اش بسکه غم انگیز وملال آور بود

گرد غم بود که می ریخت زدیوار ودرش

گاه درزیر لبش ذکرخدا می گوید

گاه سوی درحجره است خدایا نظرش

هم جواد آمده بالین رضا هم زهرا

هم پسر سوخته هم مادر خونین جگرش

پیش مادر نبود طاقت برخاستنش

زیر بار غم واندوه خمیده کمرش

پسرش دست به سردارد و مادر به کمر

او نظر می کندو خون رود از چشم ترش

دست ظلمی که زده بررخ زهرا سیلی

پاره کرده است کنون رشتۀ عمر پسرش

ای ((وفائی)) زفلک پیک شهادت آمد

گشت تا گلشن سرسبز جنان همسفرش

زبان شعر و شاعر: نوحه ترکی ، سید هاشم وفایی

«زبان حال با امام زمان در شهادت حضرت امام رضا علیهم السلام»

یابن الحسن گل آغلیاق رضایه

یرگوی گلوب یا سیدی نوایه

دلده دیر شاه وگدا

جانم رضا جانم رضا

پهلوشکسته فاطمه قان آغلار

آهیله قلب نه سمانی داغلار

گوزیاشینی دائم عذاره باغلار

گل ویر تسلی قلب قان آنایه

دلده دیر شاه وگدا

جانم رضا جانم رضا

باغ صفانین لاله سی صولوبدی

قانیله گوزلرکاسه سی دولوبدی

یابن الحسن گل گور آقانولوبدی

دللرنواسی اوج ایدیر سمایه

دلده دیر شاه وگدا

جانم رضا جانم رضا

یاپراق کیمی تترر دل فلک لر

ناله ایدوب وای وای دیر ملک لر

لاله کیمی قانه دونر اورک لر

گرد محن یردن گیدر فضایه

دلده دیر شاه وگدا

جانم رضا جانم رضا

زبان شعر و شاعر: نوحه ترکی ، شاکر تبریزی

ای حجتد نور خدا جانم رضا جانم

ای زینت عرض و سما جانم رضا جانم

جانم رضا جانم ای جان جانانم

ای وارث ختم رسل ای مظهر جانان

ای نور چشم مرتضی ای جلوه ایمان

ای معدن جود و کرم جانلار سنه قربان

درده آدی درمان آقا جانم رضا جانم

برج ولاده هشتمین خورشید تابانسان

باشدان باشا مهر و وفا مولای خوبانسان

دریای علم و معرفت معنای قرآنسان

اهل جهانه مقتدا جانم رضا جانم

الگو اولوبسان صبریده دین اهلینه مولا

کنز شرفسن مرحبا ای یوسف زهرا

جدون پیمبر دیننی سن ایلدون احیا

جانین إدن حقه فدا جانم رضا جانم

ترک وطن ایتدون آقا ایرانه گلدون سن

ایتدون عمل اوز ایتدیقون پیمانه گلدون سن

تا که ویرن رونق ره قرآنه گلدون سن

ای معدن جود و سخا جانم رضا جانم

مامون ظالم قلبیوی اینجیتدی یا مولا

سن تک گرامی رهبری سالدی غمه دنیا

سن جان ویرنده نالیه گلدی آنان زهرا

آچدی باشین خیر النسا جانم رضا جانم

هجران غمی سندن آقا تاب و توان آلدی

دشمن سنون تک سروری دام غمه سالدی

اوغلون گله امدادیوه یولدا گوزون قالدی

گل داده سسلردون بالا جانم رضا جانم

أل سینه ده سنتک اولن دلداره قربانم

امت یولوندا غم چکن غمخواره قربانم

غمدن مثال گل سولان رخساره قربانم

أل سینه ده باخدون یولا جانم رضا جانم

جدون حسینی یاد ایدیب توکدون یوزه قانیاش

اولموشدی مرحم جسمینه اوخ نیزه یاکه داش

زینب گورنده پیکرون سسلندی وای قارداش

إتدی نوا آل عبا جانم رضا جانم

((عارف)) گلیب درگاهیوه محتاج احساندی

گور بیر نجه صبح و مسا محزون و گریاندی

هر بیر نگاهون دهریده مین درده درماندی

سن شاهه اولدون من گدا جانم رضا جانم

زبان شعر و شاعر: نوحه ترکی ، عارف زنجانی

 ختم اولوب جدون عزاسی یا علی موسی الرضا

باشلانوب ثانی جفاسی یا علی موسی الرّضا

آغلادور گرچه غمون شاها بو اهل عالمی

بو غمی یاددان چخاردوب لیک آنان زهرا غمی

قویدی یرده امّتی جسم رسول اکرمی

قویدولار شورا بناسی یا علی موسی الرّضا

داد او شورادن چخان بیر راییدن فرمانیدن

داد ثانی اَلده عنوان ایلین عنوانیدن

گَلدی بیعت آلماقا شاهنشه دورانیدن

اودّی بیعت ماجراسی یا علی موسی الرّضا

باشینه یغدی نچه بی دین او مردود ازل

گَلدی باب رحمته بی اعتنا و بی محل

حلقه ی درب مَلَک دربانه ووردی اوّل اَل

اولمادی حقدن حیاسی یا علی موسی الرّضا

گَلدی پشت بابیده دوردی آنان خیرالنّسا

سسلدی آیا ندور بو های و هوی و ماجرا

سویلدی ثانی- دی گَلسون بیعته میر هدا

بسدی پیغمبر عزاسی یا علی موسی الرّضا

ایتدی فرمایش آنان بیزلر عزاسی یاسلیوخ

سینه داغلی، دل شکسته، ماجرالی یاسلیوخ

ایلیوب رحلت آتام، باشی قرالی یاسلیوخ

اولموشوخ غم آشناسی یا علی موسی الرّضا

نه خدای دادگردن ایلدی شرم و حیا

نه ایدوب صدّیقه ی کبری سوزینه اعتنا

اود ووروب یاندوردی درگاه بتولی برملا

یاندی حق دولت سراسی یا علی موسی الرّضا

آتش ظلم و ستم گیتدوقجا اولدی شعله ور

یاندی باخدوقجا آنان زهرا، آلشدی یاندی در

یتدی صدمه بطنینه پهلوسی سیندی مختصر

اُلدی بطنینده بالاسی یا علی موسی الرّضا

بیر بیله گون تاپدی پایه کاخ بیداد و جفا

تا قلجلاندی نماز اوسته باشندان مرتضی

عاقبت اوز اهلینون مسمومی اولدی مجتبی

یتدی باشه ابتلاسی یا علی موسی الرّضا

بسکه دوز گَلدی جفا اهلیله چرخ کجمدار

سالدیلار فرصت اَله اهل جفا قوم شِرار

کربلاده ظلمیله دینون ستونین یخدیلار

گیتدی ایمانین اساسی یا علی موسی الرّضا

تا اَلیندِیدی ابوالفضلین حسینون بیدقی

احتراز ایتمزدی هرگز اهل کینون بیدقی

داد ایله بیر وقتیده که یاتدی دینون بیدقی

باش ویروب کفرین لواسی یا علی موسی الرّضا

تا آت اوستن یخدیلار عبّاسی اهل کین یره

آلدیلار اطرافینی اول بی کسون چون دایره

سبقت ایلردی یارا وورماقدا تک تک بیر بیره

شام و کوفه اشقیاسی یا علی موسی الرّضا

بیر طرفدن نیزه داران یکسر اَللرده سِنان

بیر طرفدن آلدیلار اطرافینی خنجر ووران

یاره اوستن ووردولار ازبسکه یاره کوفیان

حدّیدن گیچدی یاراسی یا علی موسی الرّضا

باخمادی بیرحملر جسمی دولوبدور تیریله

ووردولار یاره سِنان و خنجر و شمشیریله

گور نه رفتار ایلدی روبه صفتلر شیریله

آغلا ای غم مبتلاسی یا علی موسی الرّضا

نازنین جسمین ایله بیر حاله سالدی قوم کین

خیمه گاهه حمل ایدَنموب نعشینی سلطان دین

دوشدوقی یرده اونی دفن ایتدی فخرُ السّاجدین

وار مزار غم فزاسی یا علی موسی الرّضا

دلده کی دردیم منی شاها ایدوبدور پانشست

آز قالور بو درد عاصی جانینه ویرسون شکست

قویما طعن ایتسون منه هر بی سر و پا خودپرست

سنده دور دردیم دواسی یا علی موسی الرّضا

زبان شعر و شاعر: نوحه ترکی ، عاصی

«ماجرای شفا گرفتن دو خواهر دوقلوی نابینا از حضرت امام رضا علیه السلام»

بیرگون مینوب قطاره،پابوسه طوسه گیتدیم

ال سینه ده حرمده،عرض ارادت ائتدیم

گزدیم دویونجا،صحنِ،گوهرشادا قییتدیم

صحبت ائدوردی خُدّام،نجوالرین اِشیتدیم

گوزیاشیم ایله آخدی،من دویمادیم نوادن

بیر معجزه ائشیتدیم،اربابیمیز رضادن

خادم ائدوردی تعریف،اُول وادی کرمده

مشغول خدمتییدیم،عشقیله من حرمده

گوردوم گلور بیر عاشق،حالِ نوا و غمده

گه گنبده باخوردی،گوزلر یاشیل عَلمده

دوتموشدی یولدا محکم،بیر خردا قیز الیندن

دوشمور آتا،بالانین،ذکر رضا دلیندن

یورقون آتا امامه،صدقیله عارضییدی

دردی اونون یقینا"،اربابه بارزییدی

خردا قیزا حرمده،گویا محافظییدی

یوخونلاشاندا گوردوم،قیز گوزدن عاجزییدی

حالیم ائله پوزولدی،اشکیم اولوبدی جاری

ویردیم قدم او حالدا،منده اولارا ساری

حال تضرّعیلن،گلدی آتا نوایه

ائتدی قیزا اشاره،ال قوزادی دعایه

معصومه نی او لحظه،ویردی قسم رضایه

بو رسمیدی گدانون،امّیدی وار عطایه

سسلندی بارالها،سن دردیمه دوا ویر

گورمور گوزی بالامین،الله اونا شفا ویر

آگاهیسن خدایا،هر لحظه قلبیلردن

چوخ طعنه لر ائشیتدیم،دنیاده رهگذردن

بو خرداجا بالامی،ایله رها خطردن

هر دکتره آپاردیم،نور اولمادی بصردن

الدن الیم ئوزولدی،اولدوم رضایه مهمان

منده پناه گَتدیم، ای شهریار خوبان

مولا ئوزون گورورسن،هر زائرین نواسین

اولدی خضاب یوزده،گوز یاشلان آغ محاسن

نذر ایلییوبدی بو قیز،تقدیم ائده طلاسین

سن بیل رقیه جانی،ویر بو قیزین شفاسین

گل قلبیمی سویوندور،رحم ایله غمگساره

فرض ایله بچّه آهو،ایستور کمک دوباره

بو حالدا یالواروردی،محزون آتا امامه

بلکه چاتا حرمده،لطفیله اخذ کامه

ایمانی چوخ قوی دی،احسن بیله مرامه

ناگه گوزوم ساتاشدی،بیر لحظه ازدحامه

قلبیم مکدّریدی،بیردن جلا تاپوبدی

سس قوزانوب حرمده،بیر قیز شفا تاپوبدی

قالدیم امام رضانین،حیرتده سائلیندن

شاد اولمادی عَجَبدی،بو لطفون حاصلیندن

حالی خراب اولوبدی،اُول۰ حالِ اَوّلیندن

آلدیم خبر آتانون،بو سِرّی ئوز دلیندن

آلدون شفا مریضن،غرق اولموسان،نوایه

دور از ادبدی بو ایش، تعظیم ائله رضایه

عرض ائتدی گوز یاشیلا،پوزقوندی گرچه حالیم

آلدیم شفا،ولیکن؛آرتوب غم و ملالیم

وار علّتی بو نوعی،حضرتله قیل و قالیم

منزلده ناگراندی،یول گوزلوری عیالیم

خوشحال اولوم نجه من؟چون شاهدیم خدادی

آیری قیزیمدا واردی، بو درده مبتلادی

الله ویروب ایکی قیز،دنیاده دلغمیندی

روشن دل اولماقیلان،هر ایکّیسی حزیندی

بو معجزین بیانی، ائوده منه چتیندی

اوخ اولدی بو قضیه،دگدی ئورک دلیندی

ای خادم رضا بیل،خاکِ درِ بتولم

تز ایلمه قضاوت،علت بودی ملولم

دوردوم ایاقه ائتدیم،اَوّلده عُذر۰خواهی

بلکه اِئدم حضورا"،جبران بو اشتباهی

آلدیم اجازه منده،قلبیم ویرور گواهی

تا منزله اولارلان،طِیّ ایلییم بو راهی

بو نوعیلن او شخصین،کم ایلییم ملالین

هر وقت که لازم اولسا،توجیح ائدم عیالین

با هم گلیردوق آرام،در سایه ی رضاده

روحیم اوچور حرمده،گوز گنبد طلاده

بیر گوز اولوب گزاره،بیر گوز اولوب نهاد"ه"

گاهی گوزوم آتاده،گاهی،گوزوم بالاده

پس کوچه لر دولاندیق،چاتدوق ائوه نهایت

اطرافِ ائوده گوردوک حلقه ویروب جماعت

اوردا آتا،بالایه،ائتدیم بونی سفارش

آرام اولون آلوم من،بیر مختصر گزارش

ذهنیمده ایلییم تا افکاریلن نگارش!

آلدیم خبر ندندی؟مردم ائدولّه یورش

بیر اهل دل دانیشدی،قلبه صفا ویروبدی

عرض ائتدی بیر اوشاقه،مولا شفا ویروبدی

گیتدوق ائوه نه گوردوک؟اوج ائیلییوب هیاهو

اعجاز حقدن عرشه،چاتدی صدای هوهو

ذکر آتاسی یاحق،ذکر آناسی یاهو

ظلمتدن اولدی آزاد،چون ایکّی بچه آهو

چوخ نازیلن دوخواهر،باهم قوجاقلاشیردی

هر ایکّیسی گولوردی،دوروبَر آغلاشیردی

گوردوم آتاسی آغلور،گاهی گیدور ئوزوندن

صف باغلییوب جماعت،بو معجزه سوزوندن

بوسه ویرور آناسی،ایکّی قیزین گوزوندن

باخ اشک شوقه یارب!جاری اولوب یوزوندن

شکر ایلوری آناسی،گوزیاشیلن خدایه

خوشحال اولوب آتاسی،ال قوزویوب دعایه

من( بهلولام)رضاجان،آهیم دونوب فغانه

سایَنده دالدالاننام،ناز ایلرم جنانه

فخریم بودور جهاندا،گلدیم بو آستانه

ویرمه رقیه جانی،بیر عده یه بهانه

بیر عده هضم ائدنمور،شهریمده،شاعرم من

لطف ایله دفترینده،نوکر آدیمی یاز سن

زبان شعر و شاعر: نوحه ترکی ، حبیبی

اولوبدی نور خدا جلوه گر خراساندا

یاتوبدی ثامن اثنا عشر خراساندا

طلوع ایدنده ازل آفتاب مشرقدن

دوشر او قبّیه وقت سحر خراساندا

یاتوب او بقعه ده بیر شهریار عالی شأن

ایدوب او توپراقی لعل و گهر خراساندا

اونون جمالینون انوارینون اشعّه سیدور

همان بو انجم و شمس و قمر خراساندا

دیون دولانمیا بیجا جهانی اسکندر

تاپانماز آب حیاتی مگر خراساندا

بهشت شوقینه چکمه ریاضت ای زاهد

بهشت عاشقی اولسان اگر خراساندا

فدا اولاخ آدیوا ای غریب خطّه طوس

زمانه ائتدی سنی خونجگر خراساندا

صبا غریب لرین سن همیشه قاصدی سن

غریب جان ویروری بیر نفر خراساندا

ویروبله زهر جفا دوغریوب جگرلرینی

وجودی برگ خزان تک اسر خراساندا

باخور ساقا صولا هردم اووشدورور ئورگین

ایدوب دوداقلارینا زهر اثر خراساندا

باجیسینا خبر ایله دایانماسون گلسون

وفالی قارداشا ائتسون نظر خراساندا

زمانه ئوز وطنیمدن سالوب کناره منی

جفائیله ایلیوب دربدر خراساندا

بو زهر سالدی ایاقدان منی یانور جگریم

سالوبدی عالمه آهیم شرر خراساندا

هانی وفالی باجیم باشیمی آلا دیزینه

اولا تَشَفّیِ دل مختصر خراساندا

بو غربت ئولکه ده ئولسم اگر منِ مضطر

گوزومی باغلاماقا کیم گلر خراساندا

گوزوم قالوب قاپیدا حسرتیله جان ویرورم

بلا خدنگینه اولدوم سپر خراساندا

کریمی ام گجه گوندوز بو حسرتیله وارام

ائدم او تربتی کحل البصر خراساندا

غلاملر کیمی دائم قالام حضورونده

گیچیردم عمرومی شام و سحر خراساندا

زبان شعر و شاعر: نوحه ترکی ، کریمی مراغه ای

ای ویرن جانینی مین شوقیله جانانه رضا

بستری خاک سیه منزلی ویرانه رضا

چرخ دوران ستمدن چکیلوب داغ سینه مه

قیلمیشام ناله کنان ساحت دنیانی سراغ

بو نه منزلدی ویروبلر سنه بی فرش و چراغ

جان ویرورسن قوری یرلرده ذلیلانه رضا

بو نه هنگامه دور ای پادشه ملک حجاز

منِ دلخسته ئیلن ایله گلن رازو نیاز

دی گوروم دردیوی بیکس آناوا ایلمه ناز

ویره جک گوز یاشیم عالملری طوفانه رضا

کهربا تک سارالوب لالۀ گلرنگ ترون

یوخدی بیر باش آچوب افغانه گلن نوحه گرون

گورونور ظشتده یتمیش ایکی پاره جگرون

بویانوب لعل لبون لاله کیمی قانه رضا

قیل بیان ای گل گلزار رسول مدنی

نه سببدندی سالوبلار بیله احواله سنی

بیری غربتده ئولنده مگر اولماز کفنی

قوری یر منزل اولور طوسده مهمانه رضا

نه ایدوبسن دهرده مأمون لعین شومه

ایلیوبدور بو قدر ظلم سنِ مظلومه

هردا قالمیش مگر ایستکلی باجون معصومه

باش آچوب نعشیوون اوسته گله افغانه رضا

دوتموشام کوفه ده القانه باتان حیدره یاس

دوشموشم چوللره اگنیمه گیوب قاره لباس

گه حسین وای دیرم اه دیوب واعباس

آغلارام قاسمیلن اکبر عطشانه رضا

نه قرا بخت آنایم گولمز اوزوم دنیاده

گلورم ناله کنان شام و سحر فریاده

گه بقیعه گیدرم گاه اوغول بغداده

گاه گلَّم باش آچوق ملک خراسانه رضا

ایمدی افغانه گتورم فلکین نُه طاقین

ایلرم نوحه سرا شش جهتین آفاقین

سینه اوسته قویارام کرب و بلا توپراقین

مدفنون رشک ویرور جنت و رضوانه رضا

چکمه غم من سنه عالمده عزادار اوللام

آغلیوب غربت آرا دردیوه غمخوار اوللام

یتیشوب دادینه البته مددکار اوللام

حشرده (قمری) دلخستۀ نالانه رضا

زبان شعر و شاعر: نوحه ترکی ، قمری

گل گور نجه بو غربتده اوغول

مسموم ئولورم مظلوم ئولورم

توپراقدا یوزوم یوللاردا گوزوم

مظلوم ئولورم مسموم ئولورم

مهموم ئولورم مغموم ئولورم

شرم ایلمیوب مأمون دنی

مسموم ایلیوب ظلمیله منی

چوخ آختارورام جان اوسته سنی

مسموم ئولورم مظلوم ئولورم

قویما بو قدر ای روح روان

یوللاردا گوزوم قالسون نگران

هجرانوه یوخ بو دلده توان

مسموم ئولورم مظلوم ئولورم

ظلمیله اولوب قان اشگ تریم

حالیم پوزولوب آرتوب کَدَریم

قلبیم دوتوب اود یاندی جگریم

مسموم ئولورم مظلوم ئولورم

بو غربت آرا یوخ دادرسیم

نه دادرسیم نه همنفسیم

گورماقه یوزون وار چوخ هوسیم

مسموم ئولورم مظلوم ئولورم

سرعتله یتور طوسه ئوزووی

جان اوسته گوروم من گول یوزووی

بیر عُمر قویوب آغلار گوزووی

مسموم ئولورم مظلوم ئولورم

اولسیدی بو دم اهل حَرَمیم

اولمازدی فزون درد اَلَمیم

سن گَلسن ئوزون یوخ ئوزگه غمیم

مسموم ئولورم مظلوم ئولورم

یانیمدا نه وار بیر یار و حبیب

نه دلده غم هجرانه شکیب

جدیم کیمی یوز توپراقدا غریب

مسموم ئولورم مظلوم ئولورم

سن سیز ائشیدور بس کیم سوزومی

کیم باغلار اوغول ئولسم گوزومی

گَل قبلیه سن دوندر یوزومی

مسموم ئولورم مظلوم ئولورم

گر چه دوتوب اود دلدن یانورام

زهر ستمیله ادولانورام

لاکن بو غمی آسان سانورام

مسموم ئولورم مظلوم ئولورم

جدّیمده وئروب جان حسرتیلن

توپراقدا یوزی چوخ زحمتیلن

منده او مرام و نیّتیلن

مسموم ئولورم مظلوم ئولورم

چکدیم بو قَدَر غربتده فشار

گوز یاشیم اولوب قان لیل و نهار

صحّافه اولام محشر گونی یار

مسموم ئولورم مظلوم ئولورم

زبان شعر و شاعر: نوحه ترکی ، صحاف تبریزی

فلکین جفاسی هرگز، یئتیشن دگیل تمامه

گلین آغلایاق بو گون بیز ، گینه بیر غریب امامه

وار اگر صفای قلبون، نظرینده ائت مجسم

گلیب حجره‌یه بویوردی ، او شهنشه دو عالم

گل اباصلت ائیله ایندی، هامی فرش خانه‌نی جمع

قوری یرده من وئریم جان، او خدای لاینامه

منه زهر وئردی مأمون، ئولورم ائدیم نه چاره؟

جگریمی زهر کینه، ائلئیبدی پاره پاره

ائله بیرجه طشت حاضر، بو غریب دلفگاره

نئجه گور شراب محنت، گینه چرخ توکدی جامه

ائدیب عرض اباصلت اوندا، او امام انس و جانه

گتیریر سنین بو حالون من زاری چوخ فغانه

سنه من فدا باخیرسان ، نییه چوخ اویان بویانه

دئدی گوزلیر‌م کی اوغلوم ، گله تا یئتم مراده

بو سوزی بویوردی گوردوم ، او زمان من جگرخون

گلی بیر نجیب سید، ولی چوخ ملول و محزون

یئتیشیب آتا بالایه، اولوب حالتی دگرگون

دوشر اوندا گور نه حاله، یئتیشه امام امامه

بلی بو امامی مأمون، ائلدی ستمله مسموم

بو غم اهل عالمینی، ائلدی ملول و مغموم

گینه دوشدی شیعه یاده، او غریب حسین مظلوم

بو شهنشهین یئتیشمز، غمی محنتی تمامه

زبان شعر و شاعر: نوحه ترکی ، دلریش

گل اوغول طوسیده مظلوم اولورم

اولموشام گور نئجه مسموم اولورم

غم گونی غمخواریم اوغول

گل اوزون اول یاریم اوغول

گوزلریم گوزلیر اوغول ایمدی سنی

یاده سال بو قوجا وقتیمده منی

زهر وئردی منه مأمون دنی

گل اوغول طوسیده مظلوم اولورم

سالدی دیلد‌ن منی زهرین اثری

درک قیل سنده بو خونین جیگری

خوشدور اولاده آتا دردسری

گل اوغول طوسیده مظلوم اولور‌م

گلمدی یانیمه معصومه باجیم

آغلییئیدی من مسمومه باجیم

قالدی حسر‌ت منه مظلومه باجیم

گل اوغول طوسیده مظلوم اولورم

زبان شعر و شاعر: نوحه ترکی ، شهاب تبریزی

یارب غریب خاک خراسان اولان منم

غربتده لاله تک اورگی قان اولان منم

اِئل لردن آیری دوشموشم ایل لردی ای خدا

جبراً دچار محنت هجران اولان منم

حسرت قالوب منه بالالار من بالالارا

درد فراقی دلده فراوان اولان منم

یوخ محرمیم یانیمدا دیم دردیمی اونا

محتاج استراحت و درمان اولان منم

اُلماقدان آیریلوق غمی مشکلدی دهریده

امّا امید وصلتی حرمان اولان منم

معصومه نی چوخ ایستوری گوگلوم داریخموشام

وصلیندن اوتری دیده سی گریان اولان منم

ای کاش اولوب سالیدی منیم بوینوما قولون

احسان اولاردی، لایق احسان اولان منم

قارداش اُلنده خوشدی آچا باشینی باجی

بو آرزوده ای حق منّان اولان منم

آغلاشماقا یوزومده یوزی اولمادی ولی

بو بارده دن قرار ایوی ویران اولان منم

جان اوستیم، یوزوم قوری توپراقلار اوسته دی

آهی به سانِ مشعل سوزان اولان منم

عیناً سودان کناره دوشن بیر بالیق کیمی

هولیله گه صاقا صولا غلطان اولان منم

اوغلی اولوب اوغولسوز اولانلار مثالیم

چشم انتظار و حالی پریشان اولان منم

یعقوب ثانیم، بو خراساندا مصر غم

مشتاق وصل یوسف کنعان اولان منم

الله بویوم برابری اوغلوم اولا اولا

گوزده صباحی شامیله یکسان اولان منم

تاخیرینون ندور سببی بولموری مگر

هجر عالیمنده واله و حیران اولان منم

گویا یغوب بالالاریمی باشینه دیور

بوندانصورا بو جمعه نگهبان اولان منم

بو آرزودییم که آنام فاطمه گله

چوخ اوغلیم، یاخون اونا الآن اولان منم

دوشسه بالا بلایه آنا آرزو ایدر

بو آرزوده هردم و هر آن اولان منم

هاردا غریب ئوله او گیدر باشی اوستونه

غربت غریبی ایمدی کماکان اولان منم

عهد ایلورم گلنده قویام یوز ایاقینه

لایق او خاک پاکینه قربان اولان منم

خوشدور باشیم دیزینده اولا جان ویرن زمان

جانیم عزیزیدور اونا جانان اولان منم

حتماً یارالیدور یوبانوب تیز گلنمیوب

یوخسا بولور که چاک گریبان اولان منم

مشکل گشا بابام کیمی مشکلده قالموشام

گورّم خدا که مشکلی آسان اولان منم

چوخلار منه دیردی سوزون من کیمه دیوم

مینلرجه دردی سینه ده پنهان اولان منم

عبدالله ایستیوب، (حسنی) (حافظی) یازوب

سویلوب حسنده بانی عنوان اولان منم

زبان شعر و شاعر: نوحه ترکی ، حافظی تبریزی

ای شهریار مُلک خراسان ولیّ دین

وی خاک آستانه سی مسجود مسلمین

ای اسم پاکی علّت ایجاد کاف و نون

مامومِ ذوالجلال و امامُ الموحّدین

تشبیه ایدم بهشته اگر پاک مدفنون

ایراد ایده لّه فرضیمه اشخاص نکته بین

حسرتدی عرش و خلدِ برین خاک بوسینه

جنّات و عرشه مدفنیوین فخری وار یقین

طاق مُقَرنَس علّتی وار واژگون اولوب

اُپماقلیقا ترابیوی ایستور اولا قرین

صحنون گورن بهشت برین ایتسه آرزو

کفران نعمت ایلیوب ای شاه عالمین

سکّان عرش و فوج ملائک، شه و گدا

فخر ایلر آستانیوه سورته اگر جبین

یالقوز تاپوب نه فیض زیارت ملائکه

ایلر طواف قبرون اولوالعزم و مرسلین

ای خاک طوس سنده شرافت نه قدر وار

آغوشه چکموسن ایله بیر جسم نازنین

فخر ایلسن بهشته اگر وار لیاقتون

غبطه جلال و شانون ایدر روضه ی برین

بیر نازنین وجود که وار بو جلالتی

عبد ذلیلدور قاپوسیندا ملائکین

غربتده بس ندور سببی قویموب احترام

توهین ایتماقا چالیشوردی منافقین

مامون عاقبت ایدوب اقدام قتلینه

دوشدی بو فکره ویرسون او مولایه زهر کین

دعوت ایدوبدی مجلسه بیر گون او سروری

چوخ یاسیله گلوبدی او مولای مومنین

مامون حیله ساز گوروب اولدی جلوه گر

نور جمالِ قائدِ قُرُّ المُحَجِّلین

عنوان مکریله ازل ایلوبدی احترام

فکر ایتدی بولمز احمد محموده جانشین

اگلشدیروب یانیندا دیدی لطف قیلموسان

خوش گلموسن عم اوغلی سن ای رکن شرع و دین

بیر خوشه زهرلی اوزوم آلدی اله دیدی

گور نه اوزومدی، بونی میل ایله بو حین

نطقه گلوب امام بویوردی گذشت ایله

غربتده گل بو غمزده نی ایتمه دلغمین

شاید بهشت اوزوملری بوندان گوزل اولا

هر دانه سی نظرده اولا لؤلؤِ ثمین

گل رحم ایله بالالاریمون یولدادی گوزی

اوغلوم تقی یتیم اولی بوندان یماق همین

مامون ال گوتورمدی مظلوم امامیدن

جبراً اله گتوردی او بیرحم مقصدین

بیر نچّه دانه میل ایلیوب ثامن الحجج

تاثیر ایدوبدی دوغرادی فوراً جگرلرین

تغییر تاپدی حالی داخی اگلشنمدی

دوردی ایاقه منزلینه گلدی چوخ حزین

فرمایش ایتدی باغلا اباصلت قاپلاری

اُلّم من ایمدی، پیک اجل ایلیوب مکین

عرض ایلدی مریض سن آخِر بو حالیده

دیداریوه گلن اولار ای خسرو مهین

ویردی جواب کیم گله جاق گورماقا منی

غربتده کیم غریبه اولار مونس و معین

گل فرشیده کنار ایله جدّیم حسین کیمی

توپراقلار اوسته جان ویروم اولسون خدا گزین

فرضی کنار ایدوبدی اباصلت، دلفکار

باغلوب قاپونی خلوت ایدوب شاه مسکنین

اللر اورک باشیندا دونردی صاقا صولا

قلبین اوغوشدوراردی ایدردی او شه انین

بو حالدِیدی گوردی صدا گلدی السّلام

سس بولدی آشنا سسیدور آچدی گوزلرین

اوغلی جوادی گوردی باشی اوسته اول غریب

محو اولدی لوح سینه دن افکار آن و این

قولّارین آچدی سالدی اوغول بوینونا او دم

آغوشه باسدی اوغلونی اول میر متّقین

عالمده ایخدا نه گوزل آرزودی بو

باش اوسته جان ویرن گوز آچوب گورسه محرمین

هر آغلیان حسینه گرک آغلاسون مدام

سالدی او گونکه دلدن او مظلومی مشرکین

اوغلی گلنمدی، باجیسی گلدی یانینه

گوردی کسور حسین باشینی قاتل لعین

سسلندی کسمه باشینی قوی باغلیوم گوزین

آرتورما باشسیز عترتینون محنت و غمین

یالواردی قاتله نه قدر ال گوتورمدی

آخِر ال آتدی دوتدی خانم قاتلین الین

سوز بیر یره دایاندی داخی عرض ایدنمورم

بولمم نولوب یخلدی یره زینب حزین

ضعف ایلمیشدی، هوشه گلوب گوز آچوب امام

بیر یاندا گوردی باجینی، بیر یاندا قاتلین

فرمایش ایتدی دورما قِییت باجی خیمیه

جمع ایله باشه قارداشیوین باشسیز عترتین

زینب قِییتدی، شمر قیلوب ظلمین آشکار

افلاکه دوشدی شور و نوا، تیتردی زمین

پیغمبر اوغلی لطف ایله بیکس حسینیه

سائلدی درگهونده بو مسکین و مُستکین

امریم دوشوبدی مشکله آواره قالموشام

حلّی سنون الونده دور آسان، منه چتین

گرچه خطا چوخ ایلمیشم دست خالیم

یا اَیُّهَا العَزیز تَصَدَّق لِخاطِئین

بیرده چوخ ایستورم دولانام باشیوه سنون

حضّار و نوحه خوانیله بو ایل بو اربعین

هر چند سوزلریمده وار ایطاءِ قافیه

امّا گذشت ایدر بونی اشخاص نکته بین

زبان شعر و شاعر: نوحه ترکی ، حسینی سعدی زمان

«در شهادت امام رضا و گریز به شهادت حضرت علی اکبر علیهم السلام»

یوزین قویوب قوری توپراقه چوخ ملالیله

دیردی درد دلین بو زبانحالیله

چخوبدی عرشه فغانیم اوغول جواد ئولورم

یتوب دوداقیمه جانیم اوغول جواد ئولورم

ویروبله زهر جفا اود دوتوب یانار جگریم

واریمدی درد نهانیم اوغول جواد ئولورم

اَلیم ئورکده، یوزیم یرده، گوزلریم قاپودا

اولوبدی ورد زبانیم اوغول جواد ئولورم

ئولنده گَل یوزیمی باری قبلیه دوندَر

یوخومدی کیمسه گمانیم اوغول جواد ئولورم

ئوزوم غریب، یانیمدا باجیم عیالیم یوخ

وطن دگُل بو مکانیم اوغول جواد ئولورم

اَسوب سموم ستم سولدی گلشن عمریم

یاخونلاشوبدی خزانیم اوغول جواد ئولورم

قویوب جفائیله مامون بالالاریمی یتیم

گُل اوزلی تازه جوانیم اوغول جواد ئولورم

ودایع نبوینی گَل ایلیوم تسلیم

قالا یانوندا نشانیم اوغول جواد ئولورم

یانیمدا یوخ گوزیمی باغلیان غریبم اوغول

فراقه یوخدی توانیم اوغول جواد ئولورم

منی ایدوبدیله جدّیم حسین کیمی مظلوم

دوروب دوداقیده قانیم اوغول جواد ئولورم

دیوب بو سوزلری مظلوم امام اولوب بیتاب

گَلوب جوانی باشی اوسته ویردی بیله جواب

سرشک توکمه عذاره بابا دیمه ئولورم

جواب ویر بو فکاره بابا دیمه ئولورم

گوزیوی آچ گله آغلار گوزین فداسی اولوم

یوزیمه ایله نظاره بابا دیمه ئولورم

غم فراقیله قلبیم یانوب نه مدّتدور

بو قلبه سالما شراره بابا دیمه ئولورم

مدینه دن سسون آلدیم فغانیله گَلدیم

باخ عارضیمده غباره بابا دیمه ئولورم

یوزیوی توپراقا قویما، گوتور باشون یردن

آلوم باشیوی کناره بابا دیمه ئولورم

بو نوعیله اوره گون باشینی اوغوشدورما

غمون دور ایله شماره بابا دیمه ئولورم

آنام باجیم بیبیم آغلار، بابا یولون گوزلر

ندور عیالیوه چاره بابا دیمه ئولورم

سولوبدی گُل کیمی رنگون گورر یتیم اوغلون

فغان ایدر چو هزاره بابا دیمه ئولورم

غریب جانیوه قربان اولوم آز آغلا بابا

گوز آچ اماندی دوباره بابا دیمه ئولورم

پوزوبدی حالیمی بیحد بو پوزقون احوالون

ترحّم ایله بو زاره بابا دیمه ئولورم

دیوب باباسنا بو سوزلری امام جواد

عذاره گوزیاشی جاری ایدوب، چکوب فریاد

غریب طوس آچوب گوز گوروب جوان اوغلین

باسوبدی جان کیمی آغوشه اول زمان اوغلین

سالوبدی بوینونا قول، گَلدی مرغ دل هوسه

آتا بالا ایکیسی ویردیلر نفس نفسه

گریز به شهادت حضرت علی اکبر علیه السلام

ئولونجه وار یری گَلسم فغان و فریاده

الهی بو نه گوزل آرزودی دنیاده

قوجا آتا آچا گوز جان ویرن زمانینده

جوان اوغول گوره یارب دوروبدی یانینده

اورکده نسگلی قالماز گیدر غمی او زمان

باخار جوانینه جانانه جان ویرر آسان

بونون برابری مافوق بلکه نسگلدور

بو مطلب عکس اولا هر بیر آتایه مشکلدور

قوجا آتا گوره جان اوسته نوجوان اوغلین

قالار نه حاله آتا گورسه اول زمان اوغلین

حسین نه حاله قالوب بُلمورم، خدا بُلوری

گورنده جدّی شبیهی جوان اوغول اُلوری

او حالی هر گوره نین اختیارینی آلوری

قلجلانوب باشی، قان ایچره اَل اَیاق چالوری

بدنده یاره لری چشمه چشمه قان ویروری

نفس باتوب، گوز آخوب، توپراق اوسته جان ویروری

ایکی اَلیله گوتوردی امام دل خسته

آلوبدی پارچالانان باشینی دیزی اوسته

سیلوبدی گوزلرینون قانینی اولوبدی ملول

بویوردی آچ گوزون ای جدّیمون شبیهی اوغول

سحر ستاره سی تک تیز غروبه یتدون اوغول

قویوب غریب آتاوی تک بو چولده گیتدون اوغول

شل اولسون اَلری کیم ووردی باشیوه شمشیر

بو یاره نون ایدوری سوزی قلبیمه تاثیر

گُل اوزلی تازه جوانیم آنان گوزیندن ایراق

ایدوبله پیکریوی برگ گُل کیمی اوراق

نه قَدر سسلدی دیندوردی سیّد الشّهداء

جواب گَلمدی، بیر صیحه چکدی وا وَلَدا

اوغول باشینی گوتوردی باسوب اورک باشنا

سووومادی اورگی، شدّت اولدی گوز یاشنا

باشین قویوب یره اشکیله دولدورب گوزینی

اوغول جنازه سی اوسته سالوب او شه اوزینی

یوزین قویوب یوزینه قان قاریشدی گوز یاشنا

دیدی اوغول اولا توپراق بو عالمین باشنا

غریب آتاندا عزیزیم نه تیز بیله دویدون

اوزون گیدوب منی دشمنلر ایچره تک قویدون

او قدری آغلادی، سس چکدی، ایلدی شیون

باخوب او حالینه اودلاندی سنگدل دشمن

گوروردولر اوغولون زخم جسمی قان ویروری

باخان او حاله دیردی حسین جان ویروری

اوغول یوزیندن ایدنده یوزین امام کنار

ایدوب نظاره نه گوردوله قوم کینه شعار

آتا محاسنین ایلوب خضاب اوغول قانی

او حالی وار یری یاندورسا کون و امکانی

بو شاهزاده (حسینی) حسینه سوگُلیدور

شبیه ختم رسل گلشن وفا گُلیدور

زبان شعر و شاعر: نوحه ترکی ، حسینی سعدی زمان

جان ویرورم گل باجی معصومه گل

زهر ویروبدور من مظلومه گل

اود دوتوب اودلاندی دل مضطریم

زهر اثریندن یانوری لبلریم

یرده یوزوم یولدا قالوب گوزلریم

جان ویرورم گل باجی معصومه گل

گلشن عمریم گُلی خندان اولوب

حالیم آنام باجی پریشان اولوب

غربت الیندن جگریم قان اولوب

جان ویرورم گل باجی معصومه گل

گورماقیم اطفالیمی اولدی محال

محشره قالدی باجی بیرده وصال

عترتیمون باشلارینه قاره سال

جان ویرورم گل باجی معصومه گل

من کیمی یوخدور کسیلن چاره سی

زهریله خونین دل صد پاره سی

غربت اسیری وطن آواره سی

جان ویرورم گل باجی معصومه گل

وار نه منیم حالیمه بیر آغلیان

باشیمون اوستونده جگر داغلیان

اُلسم اگر یوخ گوزیمی باغلیان

جان ویرورم گل باجی معصومه گل

زهر ویروبدور منه دشمن باجی

رحلت ایدم آز قالوری من باجی

گل گوزیمی باغلاماقا سن باجی

جان ویرورم گل باجی معصومه گل

ظلمیله مامون پلید و شقی

ایلدی خاموش بو نور حقی

قالدی یتیم ای باجی اوغلوم تقی

جان ویرورم گل باجی معصومه گل

رحم ایدن ای کاش اولا گوز یاشیمه

ایلیه اخطار بنی هاشمه

قوم و قبیله یغیشا باشیمه

جان ویرورم گل باجی معصومه گل

گوردی من بی کسی دشمن غریب

ایلدی اوز بُلدوقون ایمن غریب

دشمنیمون قدرتی چوخ، من غریب

جان ویرورم گل باجی معصومه گل

گوشه ی غربتده الن گونده من

کاش اولِیدون باشیم اوستونده سن

جسمیمه زلفوندن ایدِیدون کفن

جان ویرورم گل باجی معصومه گل

مردمک گوزده مجسّم اجل

یرده یوزوم، یولدا گوزوم، دلده ال

سسلنوری جدّیم اوغول دورما گل

جان ویرورم گل باجی معصومه گل

گوردی قضا ظلمه منی چون رضا

جبراً عیالیمدن آیردی قضا

دل دوداقیم یاندی مضی ما مضی

جان ویرورم گل باجی معصومه گل

ایلدی بیر پایه ده مامون جفا

واولدا سویلدی خیرُ النّسا

ایتدی خراسانی منه کربلا

جان ویرورم گل باجی معصومه گل

سِلم و رضا مُلکینه من والیم

جدّیمه غربتده بو گون تالیم

بو غمیله اُلّم، اوزوم حالیم

جان ویرورم گل باجی معصومه گل

باغلی دگل شهر سناباده یول

فرض حسین ایت، منه سن زینب اول

بوینوما سال باجی دین وقته قول

جان ویرورم گل باجی معصومه گل

دشت بلاده او شه انس و جان

ویردی لب عطشان قوری یرلرده جان

آغلارام احوالینه جان اوسته قان

جان ویرورم گل باجی معصومه گل

قانیله غلطانیدی مظلوم امام

دوره سین آلموشدی گروه ظلام

آز یولیدی قتلگهیله خیام

جان ویرورم گل باجی معصومه گل

گرچه دگلدی او قدر فاصله

مانعیدی لیک سنان، حرمله

گلسون عیالی باشی اوسته دله

جان ویرورم گل باجی معصومه گل

باخمادی میدانی دوتوب قیل و قال

گلدی گنه باجیسی پژمرده حال

گوردی ویرور جان شه گردون جلال

جان ویرورم گل باجی معصومه گل

بسدی حسینی سوزون ایله تمام

مختصر ایت، اولدی مطوّل کلام

مطلعی یاز مقطعه، قیل اختتام

جان ویرورم گل باجی معصومه گل

زبان شعر و شاعر: نوحه ترکی ، حسینی سعدی زمان

جان اوسته گرچه قیلّام  فریاد و داد الهی

جان ویرمرم گَلینجه  اوغلوم جواد الهی

پابند درد هجرم یوخ وصل، بی طبیبم

گُل یوزلی بیر جوانه شوریده عندلیبم

نه وار ایلیم یانیمدا نه عترتیم غریبم

آغلار گوزوم سیزیلدار نی تک فُواد الهی

رحم ایتمدی الهی مامون بو دل حزینه

ویردی من غریبه ظلمیله زهر کینه

قیلّام نظر یساره حسرتله گه یمینه

عرشه چخار دلیمدن آه نهاد الهی

بیر ماهیم اولوبدور خشکیده نهر آبیم

بسمل کیمی واریمدور جان اوسته اضطراریم

یاندی دیلیم دوداقیم، گیتدی توان و تابیم

قلب ملولیم اولسون هیهات شاد الهی

روحیم یاخوندی چخسون حالیم اولوب مشوّش

زهر ایلیوب اثر وار گویا بدنده آتش

ویرموب نشانه اصلاً‌ بیر من کیمی بلاکش

عالمده آب و آتش هم خاک و باد الهی

اوغلوم ندندی گَلمور یرده یوزوم فکارم

یولدا قالوب گوزوم بیر دلداره انتظارم

قلبیم شکسته دور چوخ، پژمرده حال و خوارم

ایستر شکسته گوگلوم مُلکی عماد الهی

اوغلوم گَلوب شکسته دلده عماد اولِیدی

آخِر نفسده قلبیم محزوندی شاد اولِیدی

یانیمده جان ویرنده اوغلوم جواد اولِیدی

جان اوسته ایلیِیدیم اخذ مراد الهی

غربت من غریبی ایلوبدی زار و خسته

بو وقته کاش اولِیدی معصومه باشیم اوسته

باشین آچوب ایدِیدی ناله او دل شکسته

ماتم منه دوتِیدی اول خوش نژاد الهی

بو حالیله گر اُلسم احوالیمه کیم آغلار

غربتده جان ویرنده کیم گوزلریمی باغلار

کیم باش آچار جنازم اوستونده سینه داغلار

بو رسمیدور غریبی ایتمزله یاد الهی

زهر جفا سالوبدور کُبّادیمه شراره

غسل و کفن کیم ایلر اَُلسم من فکاره

اوغلوم تقی نی گوندر قویسون منی مزاره

ایله بو دلفکاره لطف زیاد الهی

تقسیم غمده دوشدی بو نوع طرح قسمت

اولسون من غریبه مدفن بو کنج غربت

گَلسه جوانیم اولّام خوشنود بی نهایت

امر قضایه قیلّام من انقیاد الهی

هجران غمینده قیلّام گه داد و آه و ناله

پوزقوندی حالتیم چوخ، گه آغلارام بو حاله

جان ویرماقین حسینون سالّام گهی خیاله

نه ظلم ایدوب او شاهه اهل عناد الهی

قویموشدی قتلگهده قانی یوزین زمینه

اطرافینی سراسر آلموشدی قوم کینه

جان اوسته ظلم ایدردی اعدا او شاه دینه

رحم ایلمزدی اصلاً اتباع عاد الهی

بس که ووروبلا یاره اول شاهه قوم عدوان

اوراق اولوب یازیلدی جسمی مثال قرآن

کُتّاب اهل کوفه، خامه سِنان و پیکان

زخمیندن آخدی قانی اولدی مداد الهی

آخدوقجا قانی هردو، ووردوقجا یاره دشمن

من راضیم دیردی بو جور و ظلمه دلدن

ایتدیم سنیله یارب بیع و شری ازل من

یتسون گرک تمامه داد و ستاد الهی

قالو بَلی گونونده دل ویرمیشم بلایه

قالسون یر اوسته نعشیم گیچسون باشیم جدایه

سن سووموسن خوشام من بیر بیله ابتلایه

ایلر وفا یارالی دل استناد الهی

عبّاس و عون و قاسم، جدّیم شبیهی اکبر

جان ویردیلر، علاوه اوخلاندی تشنه اصغر

قطعه به قطعه اولسا جسمیم خوشام سراسر

اثبات ایدم گرک من مهر و وِداد الهی

دوغرانسا بند بندیم ای راز قلبه عالِم

خیمَم تالانسا تاراج اولسا منال و مالیم

شمر ستم شعاره اولسا یتیم عیالیم

ایتمز مگر رضای دل ازدیاد الهی

ایتدیم وفا من عهده، سنده وفا قیل اظهار

زوّاریمی باغیشلا ای ذوالجلال و غفّار

هر کیمسه ماتمیمده اولسا منیم عزادار

ایله منیله همدم یومُ المَعاد الهی

یارب اولوب (حسینی) تیر غمه نشانه

از بس که خوار ایدوبدور انظاریده زمانه

گر اولماسا تفضّل سندن بو باغری قانه

خوش گون گوره اورکده یوخ اعتماد الهی

 مرحوم حسینی سعدی زمان

مطالب مرتبط و پیشنهادی: شهادت امام رضا علیه السلام - ویژه نامه معین الضعفا