متن روضه وفات حضرت ام البنین علیها السلام - ترکی

اشعار وفات حضرت ام البنین سلام الله علیها - ترکی / بخش سوم
یا سیدتی یا ام البنین
در این پست سومین بخش از مجموعه اشعار وفات حضرت ام البنین سلام الله علیها با عنوان « متن روضه وفات حضرت ام البنین علیها السلام» گردآوری شده از شعرای نامی و معروف به زبان ترکی (آذری) تقدیم شما عزیزان می گردد.

متن روضه وفات حضرت ام البنین علیها السلام - ترکی

در این پست سومین بخش از مجموعه اشعار وفات حضرت ام البنین سلام الله علیها با عنوان « متن روضه وفات حضرت ام البنین علیها السلام» گردآوری شده از شعرای نامی و معروف به زبان ترکی (آذری) تقدیم شما عزیزان می گردد. (اللهم عجل لولیک الفرج)

بیشتر بخوانید: وفات حضرت ام البنین سلام الله علیها - ویژه نامه مادر ماه

متن روضه وفات حضرت ام البنین علیها السلام - ترکی

متن روضه وفات حضرت ام البنین علیها السلام

زبانحال حضرت ام البنین سلام الله علیها

شعر از: علیرضا حضرتی ناعمی

سبک : کربلا منتظر ماست ... یارالی جان یارالی ... لایلای ای سینمون اوسته

 

یتیشوب لبلره جان گل اوغول عباس ئولورم

حالیمی یوخ سوروشان گل اوغول عباس ئولورم

 

حاش لله ساقالا دهریده قلبیم یاراسی

گلمدی جانیمه بیلمم نیه جانون قاداسی

 

گل اوغولسوز ئولور عباسیم اوغوللار آناسی

ایلرم آه و فغان گل اوغول عباس ئولورم

 

گونلریم سنسیز ابوالفضل چتیندیر آغ اولا

آرزو ایلر ئولنده آنا اوغلی ساغ اولا

 

جان وئرنده نه کی من تک اورگینده داغ اولا

گؤزیاشیم وئرمور امان گل اوغول عباس ئولورم

 

سن اولان وقتیده اولمازدی بو قلبیمده محن

هی باخاردیم بویووا شکر ائلیردیم حقه من

 

چکدی غم نقشه سی تقدیریمه بو چرخ زمن

عزتیم اولدی یالان گل اوغول عباس ئولورم

 

من دییردیم کی بالام غملی دله دلبر اولار

شهر یثربده ولا اهلینه غم پرور اولار

 

هم خانیم زینبه هم قارداشینا نوکر اولار

هم منه روح و روان گل اوغول عباس ئولورم

 

من دییردیم کی بالام مهر و وفادن دانیشار

گویلومی آلماقا هر لحظه جهاندا چالیشار

 

غم یوخوم ئولسم او تابوتیمه باری یاپیشار

یتیشوبدور او زمان گل اوغول عباس ئولورم

 

غصّه دن گل کیمی هر دم سارالار امّ بنین

جام اشکین یوزه هر لحظه جالار امّ بنین

 

نه بیلئیدیم ئولر عباس قالار امّ بنین

غم ائدوب قلبیمی قان گل اوغول عباس ئولورم

 

شانلی قارداشلاروی سن کی ییغاردون باشوا

هم سنه فخر ائلیردیم هم او اوچ قارداشوا

 

یار اول عباس دئیردیم بالا یول یولداشوا

اول صداقتلی جوان گل اوغول عباس ئولورم

 

عشق و ایثارون اولوب دهریده اثبات آنوا

یارادیبدی ئولومون عمده مصیبات آنوا

 

گرچه نیسگیلدی ولی اولدی مباهات آنوا

افتخاریمسان اینان گل اوغول عباس ئولورم

 

آنوی گرچه بو دنیاده نواخوان ائلدون

جانوی فاطمه نون اوغلونا قربان ائلدون

 

آنالاردا آنوی صاحب رجحان ائلدون

خوشدلم اشک فشان گل اوغول عباس ئولورم

متن روضه وفات حضرت ام البنین علیها السلام - ترکی

متن روضه وفات حضرت ام البنین علیها السلام

زبانحال حضرت ام البنین به حضرت رباب سلام الله علیهما

(سنی اصغر جانی عباسی حلال ایله رباب)

 

بیر گون ایلشمیشیدی آل علی بیر یرده

سینه لر تنگه دوشوب گلدی اورگلر درده

 

اوغلی ئولمیش ننه لرقارداشی ئولمیش باجیلار

کربلا واقعه سین یاده سالوب آغلادیلار

 

بیر قوجاعورت اودم عجزیله دوردی ایاقا

آل حیدر باشینی سالدی حیادن اشاقا

 

ایاقا دورماغی گرم ایلدی حضاره یاسی

او خانم ام بنینی دی اباالفضل آناسی

 

سرو تک آچدی او دریای حیا خولارینی

زینبین گردنینه سالدی اوزون قولارینی

 

دئدی قارداشلاریون بوردا یری بوشدی خانم

بو سنیق قلبیوی آرام ائلسم خوشدی خانم

 

ائله قلبیم داریخور آه ونوادن دانیشون

بیر نچه جمله منه کرب وبلادن دانیشون

 

خبریم وار بالامون یاره سی حددن چوخودی

اورگین قان ائلین گوزده که اوچ پر اوخودی

 

بو سوزی فاش ائت ایاق اوسته دایاندیرما منی

هرغمیننن چوخ اونون هانکیسی یاندیردی سنی

 

دئدی زینب اونا ای مادر شجعان عرب

نیه خاطر ائدیسن زینبه گوندوزلری شب

 

پارچالانمیش بدنین فاش ائدیم آیا هاراسین

نجه اظهار ائلیوم باشدا عمودین یاراسین

 

اوچ پراوخ آننینا دگدی اورگی قان اولدی

قولارین سالدیلار آواره میدان اولدی

 

دیه بیللم که بیزیم قلبیمیزی داغلادیلار

بدنین باشدان ایاقه بالاوین دوغرادیلار

 

قطعه قطعه ائلدی پیکرین اشرار زمان

او اوجا قامتیلن قبری کیچیکدی هامیدان

 

دئدی؛زینب بولاری فاش ائلیوبسوز بیلورم

بیر سوزوم واردی ولی یاده دوشنده ئولورم

 

بالامون غیرتی حددن چوخودی سن بیلوسن

اونی سقا ائلمیشدی سیزه سلطان زمن

 

دئ گوروم خیمیه سو گتدی که من راحت اولام

یا که شرمنده اولوب سیزدن او غیرتلی بالام

 

بویوروب حضرت زینب اونا آی غملی آنا

یار وانصار حسین هاموسی باتمیشدی قانا

 

یوخودی داده چاتان خیمه ده غوغائیدی

بیر حسینیون کمکی یاوری سقائیدی

 

هامینون خیمه ده امیدی گلیردی بالووا

بالالار منتظریدی گده عباس سووا

 

تا سومشگین گوتوروب ایلدی میدانه شتاب

اللرین قوزادی شکر ایلدی خلاقه رباب

 

آلدی آغوشه سوسوز طفلین او دریای وقار

دئدی صبر ایله بالا پیس گونون عمری آز اولار

 

گربیر آزصبر ائلسون خانه دردی ییخارام

گلسه سو خیمیه شرمنده لیگونن چیخارام

 

صبحدن گر چه ربابین گونوزی شامیدی

تا علم یاتمامیشیدی بیرآز آرامیدی

 

ولی ناگه بو خبر خیمه ده طوفان سالدی

دئدیلرئولدی اباالفضل حسین تک قالدی

 

ایستمیردوم بو سوزی فاش ائلیم اولده

علی اصغر سوسوز اوخلاندی ننه مقتلده

 

سیخدیلار ام بنینون بو مصائب اورگین

دیزی اوسته اوتوروب دوتدی ربابین اتگین

 

دئدی بیر سوز دیورم سعی ائله سن رد ائلمه

اوغلی ئولمیش ننیه چاره یولین سد ائلمه

 

ائله قلبیم داریخور رفع ملال ایله رباب

سنی اصغر جانی عباسی حلال ایله رباب

متن روضه وفات حضرت ام البنین علیها السلام - ترکی

متن روضه وفات حضرت ام البنین علیها السلام

اشعار وفات حضرت ام البنین سلام الله علیها

شعر از : استاد حسین غفاری اردبیلی

سولدی چمنیم سینه سی سوزانم الهی

دورت اوغلوم ئولوب حالی پریشانم الهی

 

دنیا یوزی گورمز او جوانلاری دوباره

دویمازدی باخان هر قَدَر ائتسیدی نظاره

عاشق دویا بیلمز نَقَدَر باخسا نگاره

اولسون ئورگیم جعفریمه فضلیمه قربان

یوخ یوخ هامیمیز قولسوز اباالفضلیمه قربان

 

هر بیر آنا فکر ایلیورم ایستر ئولنده

اوغلانلاری گوز یاشی توکه قبره گئدنده

تشییع اولا خوار اولمیا تابوتی وطنده

من هئچ دئمورم کرب وبلادن گَلَن اولسون

ای کاش منه عباس علمیندن کفن اولسون

 

اوغلانلاریم اللرده ئولوب عرصه ده سوز یوخ

عباسیمه اما یانورام من هامیدان چوخ

گویا توخانوب ساق گوزونه زهریلی بیر اوخ

بیر گون خبر آللام یوخودا گورسم ئوزوندن

قولسوز نئجه پیکانی چکوب قانلی گوزوندن

 

زینب منه تعریف ایلیوبدی جریانین

حق اوسته نیستاندا توکوبلر یره قانین

فخریم بودی قربان ایلیوب دینینه جانین

دوزدی منی عباسیمون هجرانی قوجالتدی

اما باشیمی فاطمه یانینده اوجالتدی

 

واردور یری قلبیم آلیشا نارِ غمیندن

عباسیمی آگاه ایلین یوخ حرمیندن

اوغلی هی ئوپور قانه بویانمیش عَلَمیندن

سسلور بابا ، جانیم اولا ایثاریوه قربان

گَل آل منی آغوشووه قوللاریوه قربان

 

گاهی ئورگین بنده سالار درد و غم آغلار

پرچم گوتورر سینه وورار دمبدم آغلار

هر دنده دیَر قوللاری اولدی قلم آغلار

مشکین کی سالور چیگنینه دنیالری داغلور

بیر معجری سالم گوزینون اوستونه باغلور

 

صغرانی قویا بیلمدی تنها و پریشان

امر ایلدی یثربده قالام شاه شهیدان

تمکین ایلدیم امرینه اجرا اولا فرمان

ای کاش ولی زلفِ غمی شانه دارِیدی

اوغلوم منیده زینبه کُلفت آپارِیدی

 

دنیا منه زندان کیمی اولدی بو وطنده

اولسیدیم اگر منده همان دشت و دمنده

زینب بالامون قوللارینا قمچی دگنده

ایلردیم او ناکسلره ئوز عشقیمی ابراز

عباس بجردن آنانون قورخوسی اولماز

 

گئتسیدیم اگر منده او گون کرب و بلایه

شاید بیله دوشمِیدی باشیم درد و بلایه

زینب چاغیراندا هامونی بزمِ عزایه

از بس منه قائلدی فضیلت او هما فضل

قارداشینی اوّل اُوخور آخرده اباالفضل

متن روضه وفات حضرت ام البنین علیها السلام - ترکی

متن روضه وفات حضرت ام البنین علیها السلام

زبانحال خطاب به حضرت ام البنین سلام الله علیها

شعر از: مرحوم یحیوی

 

گل دشت نئینوایه یا خاتم النّبین

دوشدی حسین بلایه، یا خاتمُ‌النّبین

 

بیر وقتدیر بو ساعت، لازیمدی سرعت اولسون

دی خازن جَنانه آماده خدمت اولسون

 

دستور وئر قارادان، جنّاته زینت اولسون

کرب و بلاده حاضر طوبای جنّت اولسون

 

سالسین حسینه سایه، یا خاتمُ‌النّبین

زهراده قتلگاهه فوراً اوزون یئتیرسین

 

بیر رختخوابیلن بیر تخت روان گتیرسین

نعش حسینی بوکسون، میدانیدن گوتورسون

 

زینب گئدنده شامه، اجلالیلن اوتورسون

یوخسا ائدر گلایه، یا خاتمُ‌النّبین

 

بیرده سفارش ائیله، ارواح انبیایه

سرعتله نازل اولسون، صحرای کربلایه

 

اونلار سنین دالوندا، گلسینله اقتدایه

سن قیل نماز دفنی، مظلوم کربلایه

 

تحویل وئر بقایه، یا خاتمُ‌النّبین

کافور و سو گتیرمه، چون غسله یوخدو حاجت

 

غسلین اوز و ائدیبدیر، قاندان؛ تاپیب شهادت

اوز نعشی اوسته باشی، قرآن ائدر تلاوت

 

ائیلر نوای زینب، تلقینینه کفایت

سن گل فقط عزایه، یا خاتمُ‌النّبین

 

قانین یاخیب حَرَملر، موی سر سیاهه

عنّابی رنگ، زولفو توکدیله قتلگاهه

 

الوان کفن توخوندو، اعضای پاک شاهه

نه حاجتی حسین‌ین وار پنبه و گیاهه

 

یا کهنه بوریایه، یا خاتمُ‌النّبین

جبریل هاردا قالمیش، دربارینین غلامی

 

قصد زیارت ائتسین، بو وادی السلامی

آلسین قانادی اوسته، گل پیکر امامی

 

عرشُ‌اللهه آپارسین، گزدیرسین هر مقامی

باخسونلار اول فدایه، یا خاتمُ‌النّبین

 

لقمان کی مدّعی دور دردین شفاسی واردور

گلسین حسینه وئرسین، درمان یاراسی واردور

 

باخسا دییر بو جیسمین سالیم هاراسی واردور

درمانیلن ساغالماز آیری دواسی واردور

 

مُحتاج دور بُکایه، یا خاتمُ‌النّبین

بیر عدّه قدّسیاندان گلسین همین دیاره

 

اوخلاری چکسین آتسین، بو جیسمیدن کناره

تا یاره­لر اوخ آلتدان چیخسینلار آشکاره

 

گور شاهد اول کی دشمن وورموش نه قدری یاره

دلبند مُرتضیٰ‌یه، یا خاتمُ‌النّبین

 

محراب وعده­گاهه دوشموش یوز اوسته پیکر

قویما بونوعی قالسین آرخاسی اوسته دوندر

 

نه حالدا دور حسینون گورسون هامی ملک‌لر

درگاه کبریایه دوت سینه­سین برابر

 

سال عکسینی سمایه، یا خاتمُ‌النّبین

وقتیکه " یحیوینن " روحی گئدر بقایه

 

زیر لحد اولاندا، مسکن او بینوایه

اوردا گلیب آلاندا مأمورلر آرایه

 

وئررم قسم عزیزون مظلوم کربلایه

اوندا یئتیش هرایه، یا خاتمُ‌النّبین

متن روضه وفات حضرت ام البنین علیها السلام - ترکی

متن روضه وفات حضرت ام البنین علیها السلام

بخش اول

بخش دوم

Share

قابل توجه کاربران عزیز! با اعلام وزارت ارتباطات هزینه های دانلود در کلیه سایتهای ضیاءالصالحین نیم بهاء محسوب می شوند.