نوار کامل حضرت سلیمان و ملکه سبا 1385 داود علیزاده

داستان «حضرت سلیمان و ملکه سبا» و گریز به روضه حضرت قاسم علیه السلام - سال 1385 شــــ با شعر استاد انور و استاد کلامی زنجانی

نوار کامل حضرت سلیمان و ملکه سبا 1385 داود علیزاده

نوار کامل داستان «حضرت سلیمان و ملکه سبا» و گریز به روضه حضرت قاسم علیه السلام با صدای گرم استاد حاج داود علیزاده سال 1385 شــــ با شعر استاد انور و استاد کلامی زنجانی در حسینیه امام حسن (علیه السلام) تهران

همچنین شاید دوست داشته باشید:
نوارهای حاج داوود علیزاده اردبیلی / سری 1
نوارهای حاج داوود علیزاده اردبیلی / سری 2
نوارهای حاج داوود علیزاده اردبیلی / سری 3
نوارهای حاج داوود علیزاده اردبیلی / سری 4

نوار کامل حضرت سلیمان و ملکه سبا 1385 داود علیزاده

❖ صاحب سیطره و سلطه مطلقدی خدا
صانع صنع سماوات معلقدی خدا
ازلی و ابدی اصدق و اسبقدی خدا

هامی عالم اونا محتاج ئوزی معبود و صمد
هو الله احد – لیس له کفوا” احد

کنه ذاتنده اونون عقل کمیتی پالنگ
کرمیندن دولانوب چشمه لره سینه سنگ
داغلاری داشلاری ایجادالیوب رنگ برنگ

بزین انجمنیله صحن ثریانی اودور
یارادان احسن تقویمیده انسانی اودور

علم الاسمانی ایدوب بولبشره ارزانی
سیر ایدوب حضرت آدم حرم جانانی
سایه روح فزای شجر طوبانی

بهره ور ائتدی ئوزون سفرۀ جانانیندن
استفاده ایلدی نعمت الوانیندن

هکذا فالق الاصباح خداوند حیات
نوحه گر نوحی ایدوب صاحب کشتی نجات
صبریله ایلدی ایوبی رفیع الدرجات

قیلدی اعطا سلیمانه سریر عظمت
یل لرین اوسته فضاده ایلیوردی حرکت

عقل حیراندی اونون دایرۀ دولتینه
حیطه سلطنت و قدرتنه حشمتینه
علمنون پایه سینه عزتنه شوکتنه

اهل تاریخ یازوب دفتره بو اخباری
دورد آغاجدان واریدی دورد آغاجا درباری

خام گوموشدن اوزینه ائتمیشدی قصر بنا
گون دوشن وقتده همان قصرده آرتوردی جلا
نور دریاسی کیمی موجلری شعشعه زا

گؤرسنوردی گؤزه چون جلوه لری برق شهاب
شکلی زیبائدی چوخ دورنماسی جذاب

شمعلر دامنینه هر گئجه ده اشک بریز
عودلر یاندوقیجا عطرلری رایحه خیز
قصریده ساکنیدی دورد یوز حدودینده کنیز

چلچراغلار ایشقی طعنه وراردی آیه
واریدی اون ایکی مین کرسی زرین پایه

صدر تالارده مین صندل زیبای بلور
دوشدوقیجه اولارون اوسته چراغلاردان نور
آیری بیر منظره تالاریده ایلوردی ظهور

دوری آئینه نجه گؤسترر انسان یوزینی
کیم او صندلره باخسیدی گؤرردی اؤزینی

تکیه ایلوردی او صندللره سرکرده لری
کارداران بزرگ سپه جن و پری
قوشلارین سایه سالوردی او بساط اوسته پری

باشدا بیر تاج گهردار و جواهر مأنوس
پر بها تخته سلیمان اؤزی ایلوردی جلوس

روشنیدی اورگی علم لر انواریندن
هر گوشون آگهیدی لهجه و گفتاریندن
دیندیروردی سؤز آلوردی دم منگاریندن

گؤردی بیر گون باشی اوسته هامی پرنده لری
بزمده هدهد شانه به سرون یوخ اثری

مختصر کئچدی بساطنده او قوش تاپدی حضور
دئدی ای مرغ سبک شهپر و دارای شعور
هارا پرواز ایلمیشدون گؤروروم سنده غرور

شادسن بال و پرون خسته بواندازه نه وار
فاش ائله هر نه گؤروبسن خبر تازه نه وار

دیدی من ملک سبایه ایلمیشدیم پرواز
گؤرموشم اهلنی غرق حشم و نعمت و ناز
ولی جمعیتی کافردیله پابند مجاز

حکمراندور اورا بیر بانوی اجلال منش
آدی بلقیسیدی افسوس اؤزی کافر کیش

اون ایکی مین قاپوسوندا واریدی سرهنگی
اون ایکی مین نفر هر هنگیده مرد جنگی
هر یئره چکسه قوشون فتحده اولماز لنگی

باشه بیر تاج قویوب زینتی چوخ قیمتی یوخ
واردی بیرتختی اونون گؤرملیدی
صنعتی چوخ

عرضی هم طولی چهل ذرع اوتخت اعلا
عاجدن دی اوزی دندانه لری سیمین سا
نقره قوشلار اولوب آویزه او تخته زیبا

قوشلارین بطنی دولی عنبر و مشکیله تمام
اوجالور عطرلری مجلسه آرام آرام

یازدی بیر نامه سلیمان اونی توحیده چکه
طرز انشاده یتوردی بو سوزی ای ملکه
بیزه روشندی سالوب دامنوه کفر لکه

اوخیوب نامه می اسلامی قبول ائتملی سن
اولماسون تابع توحید آرادان گئتملیسن

نامه نی هدهده تسلیم ائدوب اول محرم راز
قاصد شانه بسر ائتدی سبایه پرواز
تخت بلقیسه سالوب نامه نی اول خوش اواز

امرانی چاغوروبدور ملکه مشورته
دئدی مکتوبه باخون فکر ائلیون مملکته

دئدیلر کیمدی سلیمان اؤزینی ائتمش عزیز
نگران اولما خانوم بیزده ده وار روح ستیز
لشکرونده اولا هیهات سنون پای گریز

ملکه قیلدی بیان رایوزه تغییر وئرون
فکر معقول ائلیون من گؤره نی سیزده گؤرون

خردا پرنده دی قاصد بو قوی سلطانه
فوق العاده بشری سانمیاقون افسانه
جنگه اقدام ائله سوز ملکیم اولار ویرانه

منلیگ اولسا اونی تطمیع ائده گون ای امرا
تحفه ارسال ائده گون محضرینه سیم و طلا

چارده خشت وئروب قاصده بلقیس صبا
یدسی ناب گوموش یدسی ناب طلا
بیر نئچه پردۀ زربفت و ظریف و اعلا

تحفه رسمیله سلیمانه ائدوبدور ارسال
واردی بیلموردی او حضرتده نه اندازه جلال

قاصد چابک بلقیس سبا الحاصل
سرعتیله یولی طی ایلدی منزل منزل
یئتدی دربار سلیمانه دوروب باخدی خجل

لبلری اوسته قویوب بارماقینی حیرتدن
گئتدیگی تحفه لری آتدی یئره خجلتدن

قاصده ایلدی اظهار سلیمان کبیر
حشمت اللهدی منیم حشمتیم اولما دلگیر
قیدوب سن ایله بلقیسی بو معنایه خبیر

یازمشام نامه ده اسلامی قبول ائتملی دور
سؤزومه باخماسا حتما آرادان گئتملی دور

قیدوب پیک سبا گؤردیگین ائتدی اظهار
ملکه عزم سفر قیلدی سبادن ناچار
دوتدی تصمیم سلیماندن ائتسون دیدار

گؤتوروبدور نئچه یوز خادم و زیبا خدمه
سفره باشلادی اجلالیله اول محترمه

بیلدی جریانی سلیمان بویوروب یا رفقا
کیمده وار قدرت مافوق ایده امریم اجرا
تخت بلقیسی سبادن گتوره فوری بورا

اسم اعظم اوخودی عالم عالیه هدف
بزمده حاضر ائدوب تختی وزیری آصف

بشرون قدرتی وار یئردن اؤزون عرشه چکه
نعل نعلینی بلی ناز ایلیه نه فلکه
حیطه حکم سلیمانه یئتشدی ملکه

بیر درین خندقی درک ائتدی سویلان سرشار
او بویوک خندقون اؤستونده بلورین پل وار

کؤرپدن هم اؤزی هم قیلدی کنیزانی عبور
حشمت الله بساطنده تاپوب فیض حضور
گؤردی اؤزتختینی مجلسده او شایسته شعور

سلطنت وار دیدی بو شاهیده بلمم نه سیاق
گتوروب مجلسه تختمی مندنده قاباق

نفسمه ظالم اولوب غافل معنایم عجب
آلادوبدور منی دنیاده فریبنده لقب
گلدیم حق مکتبینه جرممی عفو ائت یا رب

بو سلیمان کی جلالی بئله بهت آوردی
منه رهبردی خدایا سنه پیغمبردی

دل پسند اولدی سلیمانه گؤزل اقراری
قیلدی تجلیل عملندن خانمون تکراری
آصفه امر ائلدی صیغه سین ائتسون جاری

در و الماس و جواهر اونا مهریه نقد
جشن اساسی قورولوبدور سالونب سفره عقده

او طویون منظره سی شوکتی گلمز رقمه
نه دئمکله قوتارار نه چکه بلم قلمه
مجملا” بیر نچه جمله یازورام با این همه

قلت قدرتیله سعی ایدورم اشعاره
بلکه بیر مشت نمونه الیم خرواره

نئجه بیر طوی نه ضیافت نجه عشرتلی بساط
گورمیوب مثلنی حاشا گوره بو کهنه رباط
عیشیدن قلبلرین ساغری سرشار نشاط

شمع کافوری لرون شوکه سالور اشراقی
قدح شربت النده دولانور هر ساقی

جن و انسان و پری بزمده ایلوبله جلوس
لبلریندن اوجالور زمزمه ی یا قدوس
حالت وجد و سرور اوسته دی داماد و عروس

پر آچوب گرمدی مرغان هوا بازیله
نغمه پردازی ائدور هر قوش اؤز آوازیله

نرم یل لر ایلیوب مجلسی مطلوب فضا
گوئیا گلشنه یاز فصلی اسور باد صبا
عودلر عطری پراکنده معطردی هوا

ابیضی ابرلر ایتمش اوزینی سایه فکن
اهل مجلس اوتوروب باغ جناندا دیه سن

بو طویون منظره سین چکدی قلم دفترده
آیری طویدان خبریم واردی بیر آیری یئرده
او طویون طوی گونی دامادی اولوب اللرده

عالم فکر گلون قانلی منایه گیده گون
گورمگه بیز او طوئی کرب و بلایه گیده گون

گؤردوک اشعاریده اولکی طویون زینتنی
سفره عقدینی مهمانلارینی نعمتنی
عشرت و عیشینی ساقی لرینی شربتنی

سؤزی سؤزدن اوکی عاریفدی گرک فوری سئچه
ایکیمینجی طویون اهلی سو تاپانموردی ایچه

قوشلار اولکی طویون اولدی غزل پردازی
اوج ایدوبدور گویه هر تک تکنون آوازی
نغمه خوان اولدولا گه ایلدیلر گه بازی

ایکیمینجی طویون آهنگ عزاسی واریدی
نغمه خوانی ایلینلر آتاسیز قزلاریدی

قلبدن شادیدی اولکی طویون حضاری
یوخیدی قاره گین اگننه آری آری
هر کنیزین واریدی معجر زرین تاری

ایکیمینجی طویون حضاری جگر قانیدی
تللری زلف بنفشه کیمی افشانیدی

جلوه وئرمیشدی اولکی طویا داماد و عروس
گینوب ائتمیشدی هر بیری بیر تخته جلوس
ایکی جان اولموشیدی بیر بیره گویا مأنوس

میل ائدوب نقل و نباتین هامی شیرین لبیدی
بو طویون سفره عقدین دوشین زینبیدی

او طویون فر و شکوهنده نظیری یوخیدی
صیغه الفت پیوندنی آصف اوخودی
بو طویون لذتی یوخ نیسگلی اما چوخودی

صیغه جاری ائده نون چاره یولی باغلیدی
نوجوان اکبری اؤلمشدی اورک داغیلدی

او طویون اولدی سلیمان نبی دامادی
بزه نوب اولمادی طوی حجله سنون ایرادی
نو عروسنده خانم بلقیسدی آدی

کدخداسی بو طویون قاسم اون اوچ یاشدیدی
گلینی فاطمه قارداش قره سی باشدیدی

چهره بشاشیدی اول طویدا عروس و داماد
عکسنه دونمشیدی لیک بو طویدا هرزاد
هم گلین تشنه جگر هم تزه داماد ایداد

اوجالوب آهی لری سینه لرین داغلیدی
هی باخوب بیر بیرینه هر ایکسی آغلیدی

مختصر کئچدی اولان اولدی سؤزین ماحصلی
قاسمون پرپر اولوب جسمی شقایق مثلی
قان حناسیله خضاب اولدی او صحراده الی

قالدی آتلار ایاقیندا حسنون گول بالاسی
آلدی دامادینی آغوشینه اؤز قینآتاسی

حمل ائدوب خیمه سرایه او داغلمش بدنی
قانان الوانیدی نازک عربی پیرهنی
قرمزی پرده ده پنهانیدی وجه الحسنی

تازه دامادیدی چون ختم رسولون ایلنه
ایستی یل دگدوگجه شانه وروردی تلنه

یری وار حضرت زهرا آچا بو نوحه ده باش
در اشکین ایلیه قاسمنه نقل شاباش
داش اورکلر اقدر جسمینه ویرمشدیلا داش

نقشه پیکری گتمشدی بکلی آرادان
قرمزی نقل کیمی قان توکلیدی یارادان

دویلی ات کیمی اولموشیدی جگربند حسن
سورونوردی ایاقی یئردن اوزانمشدی بدن
قدم آتدوقجا حسین دلدن ائدوردی شیون

تازه دامادینون اوخشوردی اؤزی یولدا بویون
نه گؤزل پیرهنون واردی مبارکدی طویون

حقی واردی عمووین ناله سی نی تک اوجالا
محنتون داغ چکلن قلبمون آرامین آلا
گوزل اکبر کیمی یومدون گوزوی سنده بالا

نه اونون نسکلی گلمز سانا اوغلوم نه سنون
هم حسینون چراغی کچدی بوگون هم حسنون

یئتوروب خیمیه جانسز جسدی قویدی یئره
عرضیمه دقت ایله منظره نی آل نظره
طوی گونی قاره گینلر یغشوب دور و بره

گؤردیلر قان بورین قاره گؤزین قاره قاین
ننه سندن قاباق عمه لری آچدی باشین

آناسی گلدی گؤروب لاله پرپر مثلین
اورگی اوستونه قویدی بالانون قانلی الین
دئدی داماد گلوب هاردادی بس تازه گلین

قسمتی اولمادی افسوس دیون ماه عسل
سنی اکبر جانی یورقوندی عم اوغلون تئزگل

فاطمه حجله ده جریانه خبردار اولدی
دیدی بختیم کیمی روشن گونوزوم تار اولدی
گتدی یاریم بلورم غصه منه یار اولدی

دور ایدوب ماه کیمی غصه لی اولدوزلار اونی
اوزی گلموردی گله گتدی سوسوز قزلار اونی

قاسمه ائتدی نظاره اولوب آشفته گوگول
شکوه ایتسم ددی هر چند برازنده دگول
نو عروسه تازه داماد وئرور قرمزی گول

وای منه توکدی فلک باشمه غم و غصه کولون
اللرون بوشدی عم اوغلی هانی بس دسته گولون

شعر از : مرحوم انور اردبیلی

✹✹✹✹✹✹✹✹✹✹✹✹✹✹

من قاسمم ای لشگر راه و هدفیم دیندی
حق اوسته شهید اولماخ بالدان منه شیریندی

سربازِ قرآنم الله یا الله
اسلامه قربانم الله یا الله

پورِ حسنم ای قوم دلبند رسول الله
آماده یم ایسلانسون قانیمله بو قربانگاه
اذن آلدیم امیریمدن عشّاقه اولام همراه
مولایه مریدم من سلطان سلاطیندی

ای نامه یازان ملت مهمانه ائدون حرمت
اعدا گزور آسوده احراره یوخ امنیّت
هرگز علی اولادی کفره ائلمز بیعت
سیزلرده بو اندیشه بیر فکرت ننگیندی

پروانه کیمی دلدن شمع غمه یانّام من
یالوارمارام اشراره عهد اوسته دایانّام من
قانه بویارام خصمی، هم قانه بویانّم من
بو یولدا جوان قاسم قربانیِ آئین دی

جنگ ائتدی غرض دوشدی دامه چو هما قاسم
قان دوتدی گؤزون ائتدی نی مثلی نوا قاسم
تئز گل عمو جان اولدی اسلامه فدا قاسم
گلدی عموسی گؤردی یوز قانیله رنگیندی

شعر از : استاد کلامی زنجانی

✹✹✹✹✹✹✹✹✹✹✹✹✹✹

نکته: ماجرای عروسی حضرت قاسم علیه السلام از نظر عقلی و نقلی هیچگونه سندیتی ندارد و بخاطر حفظ امانت در متن آورده شده است... (بیشتر بخوانید: عروسی قاسم بن الحسن علیهماالسلام راست یا دروغ؟!) و نیز ماجرای کشف حجاب که در متن شعر مرحوم انور اردبیلی آمده، به هیچ وجه صحیح نیست .... إن شاءالله به این نکات هم ضمن استفاده از آثار توجه داشته باشیم....

برای دسترسی به سایر آثار حاج داود علیزاده روی کلمه کلیدی "حاج داوود علیزاده اردبیلی" کلیک کنید.

کلمات کلیدی: 
Share