آیریلیق ماهنی‌سی بیر گولدو، سوْلان باغدا بیتیب قارا ایللرده، یامان گونده، یامان چاغدا بیتیب بیر کیچیک کتده، بیزیم قونشودا، پالچیق دامـدا ساخسی گولداندا، یاشیل خوْلدا، قیزیل تاغدا بیتیب ساده بیر ماهنی دئییل، ائل گؤزه‌سینـدن سوایچیب بیر ائلین حسرتی‌دیر کی آنا تورپاقدا بیتیب کوْراباز کندینه سؤیکک، اوجامان، بوینویوغون یاشی تاریخـدن اوزون، بیـرقوجامان داغدا بیتیب یادا بیر ائل قیزی تک، گون قانییان چاغدا، سحـر لاله اَیینینده بیزیم سئومه‌لی یایلاقدا بیتیب دیلی چوخ ساده ، رواندیر، گـوده‌دیر، شیـریـن‌دیر دئییرم بلکه بو بال‌دیرکی سوزووب یاغدا بیتیب قوش کیمی قوْندو تارین تئللرینه، دوشدو دیلـه بیر گؤزل ماهنی کی بیر سئحریلی بارماقدا بیتیب بیستون فرهادینین بختینه گون شاخمادی هئچ گل بیزیم فرهادا باخ، بختی گونو آغدا بیتیب ایندی بیزلرده «نیراوغلو»، گرک ائلدن گـوج آلاق چونکی ائلدن گوج آلان قونچا، یاشیـل باغـدا بیتیب
آیریلیق ماهنی‌سی بیر گولدو، سوْلان باغدا بیتیب
قارا ایللرده، یامان گونده، یامان چاغدا بیتیب
بیر کیچیک کتده، بیزیم قونشودا، پالچیق دامـدا
ساخسی گولداندا، یاشیل خوْلدا، قیزیل تاغدا بیتیب
ساده بیر ماهنی دئییل، ائل گؤزه‌سینـدن سوایچیب
بیر ائلین حسرتی‌دیر کی آنا تورپاقدا بیتیب
کوْراباز کندینه سؤیکک، اوجامان، بوینویوغون
یاشی تاریخـدن اوزون، بیـرقوجامان داغدا بیتیب
یادا بیر ائل قیزی تک، گون قانییان چاغدا، سحـر
لاله اَیینینده بیزیم سئومه‌لی یایلاقدا بیتیب
دیلی چوخ ساده ، رواندیر، گـوده‌دیر، شیـریـن‌دیر
دئییرم بلکه بو بال‌دیرکی سوزووب یاغدا بیتیب
قوش کیمی قوْندو تارین تئللرینه، دوشدو دیلـه
بیر گؤزل ماهنی کی بیر سئحریلی بارماقدا بیتیب
بیستون فرهادینین بختینه گون شاخمادی هئچ
گل بیزیم فرهادا باخ، بختی گونو آغدا بیتیب
ایندی بیزلرده «نیراوغلو»، گرک ائلدن گـوج آلاق
چونکی ائلدن گوج آلان قونچا، یاشیـل باغـدا بیتیب